ទីក្រុង Lyon កំពុងត្រៀមខ្លួនសម្រាប់ធ្វើម្ចាស់ផ្ទះពានរង្វាន់ UEFA Europa League វគ្គផ្តាច់ព្រ័តដែលជាការជួបគ្នារវាង …

ទីក្រុង Kiev គឺជាកន្លែងដែលទទួលធ្វើជាម្ចាស់ផ្ទះសម្រាប់ការប្រកួតព្រឹត្តិការណ៍ UEFA Champion League វគ្គផ្តាច់ព្រ័តដែលជាការជួបគ្នារវាងក្រុមការពារតំណែងជើងឯក Real Madrid និងក្រុមហង្សក្រហម Liverpool។ មុនការប្រកួតចូលមកដល់ ក្រុមអាជ្ញាធរនិងសន្តិសុខបានធ្វើការរឹតបន្តឹងសុវត្តិភាពសម្រាប់ប្រិយមិត្តដែលមកទស្សនានៅទីលាន Olimpiyskiy Sport Complex ដើម្បីជៀងវាងមានភាពអសន្តិសុខកើតឡើងដោយប្រការណាមួយនៅក្នុងថ្ងៃនោះ។ ដោយឡែកប៉ូលីសចំនួន១ម៉ឺន២ពាន់នាក់នឹងត្រូវដាក់ការពារសម្រាប់ប្រិយមិត្តជិត៧ម៉ឺននាក់ដែលមកទស្សនាផ្ទាល់នៅក្នុង​ប្រទេសអ៊ុយក្រែននេះតែម្តង។ គួរបញ្ជាក់ថា ការប្រកួត UEFA Champion League វគ្គផ្តាច់ព្រ័តដែលជាការជួបគ្នារវាងក្រុមការពារតំណែងជើងឯក Real Madrid និងក្រុមហង្សក្រហម Liverpool នឹងមានផ្សាយបន្តផ្ទាល់តាមកញ្ចក់ទូរទស្សន៍ CBS (CTN, CNC & MYTV) ផងដែរ។  

ក្រុម​ជម្រើស​ជាតិ​អាល្លឺម៉ង់​បាន​បង្ហាញ​បញ្ជី​ឈ្មោះ​កីឡាករ​ទាំង​២៣​នាក់ដើម្បីទៅ​លេង​នៅ​ព្រឹត្តិការណ៍ World Cup 2018 នៅ​ប្រទេស​រុស្ស៊ី​ជា​ផ្លូវការ​ហើយ។ ក្នុង​បញ្ជី​នោះ​ដែរ ​គេ​សង្កេត​ឃើញ​មាន​វត្តមាន​របស់ Manuel Neuer ​ដែល​ទើបជាពីរបួស ខណៈ​ដែល Mario Gotze ​មិន​មាន​ឈ្មោះ​ឡើយ ខណៈមិត្តរួមក្រុម Marco Reus មានឈ្មោះក្នុងក្រុមជម្រើសជាតិសារជាថ្មីដោយសង្ឃឹមនឹងចូលលេងក្នុងព្រឹត្តិការណ៍ខាងលើនេះជាលើកដំបូង។ គួរបញ្ចាក់ថា ក្រុមលោក Joachim Low ស្ថិតក្នុងពូល F ជាមួយ ម៉ិចស៊ិចកូ, កូរ៉េខាងត្បូង និង ស៊ុយអែត៕

គ្រូបង្វឹកក្រុមជម្រើសជាតិអូស្រ្តាលី Bert van Marwijk បានបង្ហាញបញ្ជីឈ្មោះបឋមចំនួន២៦នាក់ រួមទាំងខ្សែប្រយុទ្ធជើងចាស់ Tim Cahill ផងដែរ ដើម្បីត្រៀមទៅ World Cup នៅរុស្ស៊ី។ បើជាប់ក្នុងបញ្ជីចុងក្រោយ អតីតសមាជិក Everton ដែលពូកែប្រើក្បាលតែតបញ្ចូលទីនោះ នឹងបានលេង World Cup ជុំផ្ដាច់ព្រ័ត្រ៤ដងក្នុងអាជីពនៅក្នុងវ័យ៣៨ឆ្នាំ។ Bert van Marwijk គ្រោងចម្រាញ់យកកីឡាករ២៣នាក់ចុងក្រោយមុនថ្ងៃទី៤ខែមិថុនា បន្ទាប់ពីប្រកួតមិត្តភាពជាមួយទួរគី។ អូស្រ្តាលី ស្ថិតក្នុងពូល C ជាមួយ បារាំង, ដាណាម៉ាក និង ប៉េរូ។

ក្រុមបិសាចក្រហម Manchester United ត្រូវបានគេរាយការណ៍ថាកំពុងត្រៀមចាយលុយ៤៤លានផោនដើម្បីទិញផ្តាច់កុងត្រាយកខ្សែការពារស្លាបស្តាំ Elseid Hysaj របស់ Napoli មកកាន់ទឹកដី​ Old Trafford នារដូវកាលក្រោយ។ ប្រភពដដែលខាងលើបានបន្ថែមទៀតថា អ្នកចាត់ការ Jose Mourinho កំពុងតែត្រូវការខ្សែការពារស្លាបស្តាំជាបន្ទាន់ដើម្បីយកមកជំនួសតំណែងរបស់ Antonio Valencia ដែលមានវ័យ៣៣ឆ្នាំទៅហើយ ស្របពេលដែល Mateo Darmain អាចនឹងផ្ទេរទៅកាន់ទឹកដីអ៊ីតាលីវិញ។ គួររំលឹកថា ក្រោយចូលកាន់តំណែងបន្តពីអ្នកចាត់ការ Louis Van Gaal កាលពីឆ្នាំ២០១៦ គ្រូបង្វឹកសញ្ជាតិព័រទុយហ្គាល់តែងតែជ្រើសរើស Valencia ជាជម្រើសដំបូងរបស់ខ្លួនជានិច្ចគ្រប់កម្មវិធីប្រកួត។ ទោះជាយ៉ាងណាក៏ដោយ បុរសរហស្សនាម The Special One ត្រូវតែរកកីឡាករមួយរូបមកជំនួសកន្លែងស្លាបស្តាំនេះជាបណ្តើរសម្រាប់ថ្ងៃអនាគត ព្រោះ Valencia នឹងឈានចូលមកដល់វ័យ៣៣ឆ្នាំក្នុងពេលឆាប់ៗនេះ។ គួរបញ្ជាក់ថា ខ្សែការពារស្លាបស្តាំ Elseid Hysaj បានបង្ហាញទម្រង់លេងយ៉ាងល្អនារដូវកាលនេះ ដោយជួយឲ្យ Napoli ឈរនៅចំណាត់ថ្នាក់លេខ២នៃក្របខ័ណ្ឌ Italia Serie A។

ខ្សែបម្រើ Scott Arfield បានព្រមព្រៀងចុះកុងត្រារយៈពេល៤ឆ្នាំមកកាន់ក្លឹបបាល់ទាត់ Ranger ដោយក្លាយជាកីឡាករដំបូងរបស់អ្នកចាត់ការ Steven Gerrard ដែលនាំមកកាន់ក្លឹប ក្រោយទើបចូលកាន់តំណែងកាលពីពេលថ្មីៗនេះ។ បើតាមការបញ្ជាក់របស់សារព័ត៌មាននៅស្កុតឡែនបានឲ្យដឹងថា សមាជិករបស់ Burnley បានផុតកុងត្រាក្រោយបញ្ចប់រដូវកាលនេះ ហើយទើបតែធ្វើតេស្តសុខភាពបានជោគជ័យជាមួយ Ranger កាលពីម្សិលមិញ។​ គួររំលឹកថា ក្លិប​បាល់ទាត់ Rangers FC បានតែងតាំង​ Steven Gerrard ជាអ្នកចាត់ការ​ថ្មីកាលពីដើមខែឧសភានេះដោយបាន​យល់លើកិច្ចព្រមព្រៀង៣ឆ្នាំដើម្បីមកជំនួសតំណែងលោក Graeme Murty នៅកីឡដ្ឋាន ibrox។ Gerrard បាន​ចូល​និវត្តន៍​ពី​អាជីព​បាល់ទាត់​កាល​ពី​ឆ្នាំ​២០១៦ ហើយ​បាន​ទៅ​ធ្វើ​ជា​គ្រូ​បង្វឹក​ថ្នាល​ រួច​បន្ត​ដឹកនាំ​ក្រុម​យុវជន​អាយុ​ក្រោម​១៨​ឆ្នាំ​របស់​ Liverpool និង​ធ្លាប់​ទាត់​ចោល​សំណើ​ធ្វើ​ជា​អ្នក​ចាត់ការ​ក្លឹប MK Dons នៅ​អំឡុង​ពេល​នោះ។​​