បាល់ទាត់៖Real Madrid ចង់បានលុយ៦៤លានផោនពីMan Utd បើចង់បាន Jame Rdriguez
Real Madrid បានដាក់តម្លៃខ្លួនJames ៦៤លានផោនលើកិច្ចព្រមព្រៀងជាមួយភាគីMan Utd ដែលមានព័ត៌មានថាចង់បានខ្សែបម្រើរូបនេះទៅលេងនៅកីឡដ្ឋាន Old Trafford ។ ខ្សែប្រយុទ្ធលេងក្នុងជម្រើសជាតិកូឡុំប៊ីបានបង្ហាញកាយវិការហាក់បីដូចជាចង់ចាកចេញពីReal Madrid បន្ទាប់ពីត្រូវប្ដូរចេញក្រោយReal Madrid ឈ្នះ៤ទល់១។ Marca បានបញ្ជាក់ថា Real Madrid បានប្រាប់ទៅMan Utd ថាពយគគេអាចទិញ Rodriguez ក្នុងតម្លៃ៦៤លានផោន។ កីឡាករវ័យ២៥ឆ្នាំចង់លេងឲ្យបានច្រើនជាប់លាប់ខណៈពេលបច្ចុប្បន្ននេះរូបគេពិបាកប្រជែងជម្រើសដំបូងនេះខ្លាំងក្រោមការដឹកនាំរបស់លោក Zidane។ Real បានរៀបចំឲ្យJames ដើរចេញហើយប៉ុន្តែនឹងមិនអនុញ្ញាតិឲ្យគាត់ចាកចេញដោយក្លឹបត្រូវខាតដើមនោះទេ។ អតីតកីឡាករMonaco រូបនេះមានតម្លៃខ្លួន៧១លានផោនកាលពីឆ្នាំ២០១៤ហើយក្លឹបយក្ស La liga ក៏មិនចាប់អារម្មណ៍អនុញាតិឲ្យគាត់ចាកចេញដោយតម្លៃថោកជាងមុន។
បាល់ទាត់៖ ទើបចប់ពីសង្គ្រាម ក្លឹបនៅលីកកំពូលរបស់កូសូវូ មានកៅអីលេងChampions League
ក្លិប Trepca ‘89 គឹជាក្លឹបជើងឯកលីកំពូលរបស់រដ្ឋកូសូវូ( Kosovan Superleague ) ត្រូវបានគេរាយការណ៍ថាក្លាយជាក្លឹបដំបូងគេបំផុតមកពីអតីតខេត្តមួយរបស់ប្រទេសស៊ែប មួយនេះបានកៅអីលេងក្នុងពានរង្វាន់ជើងឯកទ្វីបអឺរ៉ុប (UEFA Champions League)។ ព័ត៌មានដែលថាក្លឹបមកពីរដ្ឋចំណុះរបស់ស៊ែបមួយនេះមានកៅអីលេងក្នុងពានលំដាប់អឺរ៉ុប ត្រូវបានគេឃើញក្នុងបណ្ដាញសារព័ត៌មានរបស់ប្រទេសស៊ែបចុះផ្សាយកាលពីដើមសប្ដាហ៍នេះ។ ចំណែកBBC វិញបានរាយការណ៍ថា Trepca ‘89 គឺជាក្លឹបមួយក្នុងចំណោមក្លឹបបាល់ទាត់៤មកពីកូសូវូដែលបានទទួលសិទ្ធពីUEFA ហើយក្លឹបនឹងចូលរួមប្រកួតវគ្គជម្រុះChampions League នៅថ្ងៃទៅ២៧ឬក៏ទី២៨មិថុនានេះ។ Kosovo បានចូលជាសមាជិករបស់UEFA កាលពីខែឧសភាឆ្នាំ ២០១៦ទោះបីជាស្ថិតនៅក្រោមការគ្រប់គ្រង់របស់ប្រទេសស៊ែប។សមាជិករបស់UEFA ទាំងអស់បានបោះឆ្នោតឲ្យក្លាយជាសមាជិក៕
