អតីតប្រធានក្រុមManchester United កីឡាករ Wayne Rooney បានពន្យល់ពីការចាកចេញពី Old Trafford ទៅលេងនៅ Everton ដោយសាររូបគេមិនចង់អង្គុយមើលគេលេងទាំងខ្លួនមានសមត្ថភាពពេញលេញ។
បន្ទាប់ពីចំណាយពេល១៣ឆ្នាំជាមួយMan Utd, Rooney ក៏ត្រឡប់ទៅលេងនៅក្លឹបកាលពីយុវជនរបស់ខ្លួនដោយគ្មានតម្លៃខ្លួនហើយក្លឹបEverton ក៏បានប្រកាសជាផ្លូវការពីការចូលរួមពិសេសមានការធ្វើសន្និសីទកាសែតកាសែតពីលោក Ronald Koeman ។
ពិតជាមានការភ្ញាក់ផ្អើលមែនទែន ដែលអតីតប្រធានក្រុមជម្រើសជាតិអង់គ្លេសរូបនេះបានចូលលេងត្រឹមតែ១០ប្រកួតប៉ុណ្ណោះកាលពីរដូវកាលមុនហើយក៏ជារដូវកាលចុងក្រោយផងដែរនៅ Manchester។ តែពេលនេះកីឡាករវ័យ៣១ឆ្នាំបានបង្ហាញពីមូលហេតុចាកចេញដូច្នេះ៖” ខ្ញុំមិនដែលបាត់បង់ការស្រឡាញ់ពី Man Utd នោះទេ ខ្ញុំពិតជារីករាយជាមួយពេលវេលានៅទីនោះ ប៉ុន្តែត្រូវការលេងច្រើនប្រកួត ហើយខ្ញុំមិនបានសឹងតែមួយរដូវកាលទៅហើយ។”
“ ខ្ញុំដឹងថាខ្ញុំលេងបានល្អនៅឡើយ ពេលណាដែលខ្ញុំលេងបានជាប់លាប់។ ខ្ញុំបាននិយាយទៅកាន់ Jose Mourinho ហើយពេលនេះជាពេលដ៏ត្រឹមត្រូវដើម្បីចាកចេញហើយទៅលេងនៅកន្លែងផ្សេងទៀត។ ”
អ្នកកាសែតបានបន្តសួរថាតើនេះជាមូលហេតុតែមួយដែលលោកចាកចេញហើយមានសំណើជាច្រើនចង់ឲ្យលោទៅដែរឬទេ? “ តាមពិតទៅ! មានជម្រើសផ្សេងទៀតនៅទីនោះប៉ុន្តែ ម្ដងនោះខ្ញុំដឹងថា Ronal Koeman ចង់បានខ្ញុំត្រឡប់ទៅវិញ ហើយនេះជាកន្លែងតែមួយគត់ដែលខ្ញុំលេងបាល់ដំបូង”Rooey បានបន្ត។
“ វាពិតជាគួរឲ្យធុញទ្រាន់ណាស់ ស្ទើរតែមួយអាជីពរបស់ខ្ញុំដែលខ្ញុំលេងពេញៗហើយនេះជាលើកដំបូងដែលខ្ញុំមិនបានលេងច្រើនហើយត្រូវអង្គុយកៅអីបម្រុង។ វាមិនសមខ្ញុំជាអ្នកអង្គុយទេ ខ្ញុំជាអ្នកលេងបានត្រូវ”៕
ប្រភព៖ Manchester Evening News
