អតីតខ្សែប្រយុទ្ធ Liverpool កីឡាករ Robbie Fowler បានជឿថា ខ្សែប្រយុទ្ធជួរមុខទាំងបួនរបស់អតីតក្រុមរបស់ខ្លួន គឺមានសមត្ថភាពល្អខ្លាំងដូចកីឡាករល្អៗមួយចំនួននៅអឺរ៉ុបដែរ។
វរបុរសក្រុមហង្សម្នាក់នេះ បានសរសើរពីរបៀបដែលលោក Jurgen Klopp រៀបចំកីឡាករក្នុងការប្រកួតមុនបើករដូវកាល ពិសេសជាមួយនឹងការប្រកួតដោយយកឈ្នះ Bayern Munich ក្នុងពាន Audi Cup ហើយសរសើរ Sadio Mane, Philippe Coutinho, Roberto Firmino និង Mohamed Salah។ គាត់បានបន្ថែមថាខ្សែប្រយុទ្ធបួនរូបដែលបានដាក់ឲ្យលេងក្នុងការប្រកួតនេះល្អជាងក្លឹបដទៃទៀតនៅអឺរ៉ុប។
“ខ្ញុំគិតថាកីឡាករជួរមុខ៤រូបរបស់ Liverpool គឺល្អៗដូចកីឡាកររបស់ក្លឹបខ្លាំងនៅអឺរ៉ុបដទៃទៀតដែរ។ Firmino, ការប៉ះបាល់ និងចលនារបស់គាត់ល្អណាស់។Coutinho,ខ្ញុំគិតថាយើងបាននិយាយច្រើនរួចមកហើយ គឺនិយាយតាំងពីប៉ុន្មានឆ្នាំមុនថាគាត់ល្អប៉ុណ្ណា។ ល្បឿននិងការញាក់បាល់របស់ Mane ដល់កម្រិតកំពូល ប៉ុន្តែកីឡាករល្អក្នុង Pre-Season គឺ Salah”។
ចុះប្រិយមិត្តរបស់វេបសាយអាណាចក្រកីឡាវិញគិតដូចម្ដេចដែរ?
