Arsenal ពេញចិត្តខ្សែបម្រើ Real Madrid កីឡាករ Mateo Kovacic
Arsenal និងក្លឹប Totteenham កំពុងប្រជែងគ្នាចុះកុងត្រាយកខ្សែបម្រើ Real Madrid កីឡាករ Mateo Kovacicនេះបើតាមប្រភពអេស្ប៉ាញ Diario Gol។
ទោះបីជាមានដំណឹងថាក្លឹបទាំងពីរបង្ហាញចំណាប់អារម្មណ៍ ចង់ចុះកុងត្រាក្ដី ក៏ពួកគេមិនទាន់បានដាក់តម្លៃដេញថ្លៃយកខ្សែបម្រើជម្រើសជាតិក្រូអាតរូបនេះដែរ ខណៈក្លឹបនៅអ៊ីតាលីមានដូចជា៖ Roma, AC Milan និងអតីតក្លឹបរបស់កីឡាកររូបនេះ Inter Milan បង្ហាញការពេញចិត្ត។
Fenerbahce សម្លឹងឃើញ Vardy ចង់ចុះកុងត្រា
ក្លឹបទួរគី Fenerbahce កំពុងរៀបចំខ្លួនក្នុងការធ្វើបែបបទ ការផ្ទេយកខ្សែប្រយុទ្ធអង់គ្លេស Jamie Vardy របស់ Leicester City ក្នុងរដូវកាលនេះៗបើតាមប្រភព DHA។ ក្លឹបយក្សទួរគីកំពុងស្វែងរកខ្សែប្រយុទ្ធមកជំនួស Robin van Persie ហើយពួកគេក៏កំពុងសម្លឹងមើលមិត្តរួមក្រុមរបស់ Vardy កីឡាករ Ahmed Musa។
Danilo បន្តនៅ Real Madrid
ខ្សែការពារស្លាបស្ដាំសញ្ជាតិប្រេស៊ីល Danilo នឹងបន្តនៅ Real Madrid ក្នុងរដូវកាលក្រោយ បន្ទាប់ពីរូបគេនិយាយថាបានត្រៀមខ្លួនប្រយុទ្ធរកកន្លែងជម្រើសដំបូងក្នុងរដូវកាលក្រោយក្នុងក្រុមរបស់Zidane។
ខ្សែការពារមានព័ត៌មានជាប់ទាក់ទងផ្ទេរទៅលេងនៅ Arsenal ដើម្បីជំនួស Hector Bellarin ដែលផ្ទេរទៅលេងនៅBarcelona។ ប៉ុន្តែយ៉ាងនេះក្ដី រូបគេបន្តនៅ Santiago Bernabeu ទោះបីឆ្លងកាត់រដូវកាលដ៏អាក្រក់កាលពីរដូវកាលមុន៕
