កាសែត Marca ពីប្រទេសអេស្ប៉ាញបានរាយការណ៍ថា កីឡាករវ័យក្មេងអាយុ២១ ឆ្នាំដែលផ្ទេរមក Real Madrid កាលពីឆ្នាំមុនគឺ Dani Ceballos បានសុំប្រធានក្លឹប Florentino Perez ថារូបគេចង់ទៅចូលរួមជាមួយក្រុមហង្សក្រហម Liverpool នៅអង់គ្លេស បន្ទាប់ពីមិនអាចប្រជែងតំណែង១១នាក់ដំបូងនៅក្នុងក្រុមបាន។
រូបគេបានក្លាយជាកីឡាករបម្រុង និងមិនសូវបានដូរចូលលេងនោះទេ ក្រោមការដឹកនាំរបស់លោក Zinedine Zidane។ រូបគេបានចូលលេងតែ២៩វិនាទី ប៉ុណ្ណោះ កាលពីជំនួបសងសឹករវាង Real Madrid និង Leganes ដែលក្រុមស្ដេចសបានឈ្នះ៣ទល់និង១។
ចំណែកក្លឹប Liverpool វិញក៏បានបង្ហាញចំណាប់អារម្មណ៍ចង់បានកីឡាករសញ្ជាតិអេស្ប៉ាញរូបនេះផងដែរ ដោយលោកJurgen Klopp ធ្លាប់បានកោតសរសើរអំពីសមត្ថភាពរបស់កីឡាកររូបនេះ ហើយមានគម្រោងចង់នាំគេមកកាន់ទឹកដីAnfield នៅក្រោយចប់រដូវកាលនេះ។
បើសិនជាលោក Perez ព្រមលក់ Ceballos មែន Liverpool និងត្រូវប្រឈមមុខជាមួយក្លឹបដទៃទៀតនៅ Premier League ដូចជា Arsenal និង Tottenham Hotspur ជាដើមដែលសុទ្ធតែបានចូលខ្លួនមកទាក់ទងកីឡាកររូបនេះ៕
The Sun
