Mohamed Salah បានជួយ Liverpool យ៉ាងច្រើនក្នុងរដូវកាលទាំងក្នុង Champions League និង Premier League ពិសេសខ្លួនឯងក៏រីកចម្រើនជាងមុខឆ្ងាយផងដរ។
កីឡាករជម្រើសជាតិអេហ្ស៊ីប បានចុះកុងត្រាជាមួយហង្សក្រហមនៅដើមរដូវកាលនេះ ហើយចាប់តាំងពីរពេលនោះមកក្លាយជាខ្សែប្រយុទ្ធល្អបំផុតរកគ្រាប់បាល់បានច្រើន។ Salah រកបាន១៥គ្រាប់ឲ្យ Roma នៅរដូវកាលមុន ហើយ១៤គ្រាប់នៅរដូវកាលមុនមួយទៀត។ ប៉ុន្តែមកលេងនៅ Premier League វិញត្រឹមពាក់កណ្ដាលរដូវកាលរូបគេរកបាន១៥គ្រាប់ទៅហើយ។អ្វីៗដែលធ្វើការរកគ្រាប់បាល់របស់ខ្លួនល្អយ៉ាងនេះ Salah ថាបានមកពីឥទ្ធិពលរបស់ Jurgen Klopp។
“ជាមួយនឹងគ្រូបង្វឹកបច្ចុប្បន្ន ខ្ញុំលេងជិតទៅនឹងមុខទីបំផុតខុសពីក្លឹងដទៃ។ ខ្ញុំតែងតែឈរនៅមឹងមុខទី ហើយនៅជិតកន្លែងរកគ្រាប់បាល់ ដូច្នេះហើយខ្ញុំអាចរកបានគ្រាប់បាល់បានច្រើន”។ Salah និយាយក្នុង Sky Sport។
Mohamed Salah បានបន្តថាគុណភាពនៃក្រុមនិងមិត្តរួមក្រុមទាំងមូលក៏បានធ្វើឲ្យ រូបគេរកបានគ្រាប់បាល់ច្រើនដែរ។
“ កាលពីដំបូង ពេលដែលខ្ញុំចុះកុងត្រានៅ Liverpool វាខុសគ្នាបន្តិចជាមួយ Roma។ប៉ុន្តែគ្រូបង្វឹកបានប្រាប់ខ្ញុំថា គាត់ចង់បានគុណភាពពីខ្ញុំ ហើយប្រាប់មិត្តរួមក្រុមឲ្យធ្វើគ្រាប់យ៉ាងដើម្បីខ្ញុំ នោះយើងទទួលបានលទ្ធផលល្អទាំងអស់គ្នា”។
“សម្រាប់ខ្ញុំ!នៅថ្ងៃដំបូង ខ្ញុំបានដឹងថា ខ្ញុំចង់លេងហើយខ្ញុំរកគ្រាប់បាល់ក្នុងការប្រកួតមិត្តភាពមុនបើករដូវកាល។ចាប់តាំងពីពេលនោះមកអ្វីៗគឺចាប់ផ្ដើមមកយ៉ាងល្អ”។
ខណៈពេលកំណត់ត្រារកគ្រាប់របស់ Salah ធ្វើឲ្យមានការភ្ញាក់ផ្អើលដល់មនុស្សគ្រាប់ Salah ខ្លួនឯងផ្ទាល់ហាក់មិនសូវភ្ញាក់ផ្អើលនោះទេ។
“ និយាយឲ្យស្មោះត្រង់ទៅ ខ្ញុំរំពឹងថារកគ្រាប់បាល់ឲ្យបានច្រើន ខ្ញុំមិនដែលនិយាយថាបានវាមកដោយសារសំណាងនោះទេ អ្នកធ្វើការធ្ងន់ អ្នករំពឹងខ្ពស់ហើយអ្នកនឹងទទួលបានអ្វីដែលអ្នកចង់បាន”៕
