ក្រុមបិសាចក្រហមកំពុងតែភ័យខ្លាចពីភាពមាំមួនរបស់ Anthony Martial ដែលរបួសកាលពីយប់មិញ ក្នុងការប្រកួតManchester United បានប្រកួតឈ្នះ Everton ២ទល់០នាកីឡដ្ឋាន Goodison Park។
កីឡាករសញ្ជាតិបារាំងបានបំពេញកិច្ចការដ៏ឆ្លាតវៃ ក្រោយបានរកគ្រាប់នាំមុខឲ្យក្លឹប។ប៉ុន្តែចប់ការប្រកួត Martial មានបញ្ហា។ គាត់មានអារម្មណ៍ថាឈឺដៃក្រោយចប់ការប្រកួត ក្រោយពេលគេឃើញមិនសូវស្រួល បន្ទាប់ពីដួលចេញក្រៅពីទីលាន។
កីឡាករវ័យ២២ឆ្នាំក៏ត្រូវប្ដូរចេញជំនួសដោយ Daley Blind នៅប៉ុន្មាននាទីក្រោយមក។ ការបារម្ភសម្រាប់ Man Utd គឺMartial ត្រូវបានគេឃើញឈរក្រៅទីលានអោបដៃ ខណៈដែលក្លឹបមិនទាន់បានប្រកាសនៅឡើយថារបួសដៃនេះមានសភាពយ៉ាងណា។
ក្រុមបិសាចក្រហម នឹងត្រូវធ្វើសកម្មភាពជាថ្មីម្ដងទៀតនៅថ្ងៃសុក្រនេះ ដោយពួកគេត្រូវទទួលភ្ញៀវ Derby County ក្នុងពាន FA Cup។ Romelu Lukaku និង Zlatan Ibrahimovic របួសយូរគួរសមប៉ុន្តែគេមិនទាន់ដឹងពីស្ថានភាពរបស់ Martial នៅឡើយទេ៕
