ប្រិយមិត្តអ្នកគាំទ្របាល់ទាត់ពិតជាស្គាល់ Recardo Quarema ច្បាស់ហើយពីព្រោះកីឡាករម្នាក់នេះត្រូវបានគេចាត់ទុកជាកីឡាករពូកែបញ្ជូនបាល់បំភ័ន្តភ្នែកគូប្រកួតក៏ដូចជាពូកែទាត់បាល់ហ្វ្រីឃីកផងដែរ។
អតីតកីឡាកររបស់ Chelsea រូបនេះបានរកគ្រាប់បាល់បញ្ចូលទីបានយ៉ាងល្អបំផុតក្នុងជំនួបប្រកួត Istanbul Derby ក្នុងនាទី៧៧នៅពេលដែលកីឡាកររូបនេះប្រើក្បាច់ទាត់បញ្ចូលទីមួយយ៉ាងឡូយ ដោយប្រើជើងស្ដាំ ខណៈបាល់ត្រូវទាត់ជើងឆ្វេងសោះ។
ក្បាច់ Trivela គឺជាតិកនិកមួយដែលកីឡាករជម្រើសជាតិព័រទុយហ្គាល់រូបនេះ ប្រើយូរមកហើយៗ រូបគេក៏ជាទូតសុច្ឆន្ទៈរបស់ក្បាច់ទាត់បាល់មួយនេះផងដែរ។ ចុះបើកីឡាករម្នាក់នេះ ទាត់អញ្ចឹង នរណាទៅអាចទៅចាប់ថ្នាក់បាន ខណៈដែលបាល់មានល្បឿនខ្លាំងទៀតនោះ?
Quaresma ក៏បានបន្ថែមគ្រាប់បាល់ទី២មួយគ្រាប់ទៀត ក្នុងម៉ោងបន្ថែមមានរបួសធ្វើឲ្យចប់ការប្រកួត ក្រុម Besiktas ឈ្នះFenerbahce ៣ទល់១៕
