ខែមករាគឺរដូវកាលទីផ្សាដោះដូរកីឡាករនៅតំបន់អឺរ៉ុប ក៏ដូចនៅក្នុងពិភពលោក ដែលក្លឹបមួយចំនួនកំពុងស្វែងរកកីឡាករថ្មី ហើយក្លឹបមួយចំនួនក៏មានកីឡាករចាស់ៗមួយចំនួនៗផុតកុងត្រា ហើយអាចរកទ្រនំថ្មីសម្រាប់បន្តអាជីពរបស់ខ្លួនផងដែរ។
បើនិយាយពីក្លឹបបិសាចក្រហមវិញមានកីឡាករដល់ទៅ៩នាក់ក្នុងឈុតជម្រើសដំបូង ដែលផុតកុងត្រាពេលចប់រដូវកាលនេះ ឬអាចនិយាយបានថាក្នុងពាក់កណ្ដាលរដូវកាល២០១៧/១៨ពួកគេអាចចេញពីក្លឹបដោយគ្មានតម្លៃខ្លួន។ ចង់ថានរណាសូមមើលខាងក្រោម៖
1- Daley Blind
លោក Luis van Gaal បានទិញកីឡាកររូបនេះពីក្លឹបAjax កាលពីឆ្នាំ ២០១៤ហើយរូបគេអាចលេងក្នុងតំណែងការពារកណ្ដាល ការពារស្លាបនិងបម្រើការពាររូបគេផុតកុងត្រាពេលរដូវកាល២០១៧/១៨នេះ។
2- Michael Carrick
កីឡាករវ័យ៣៦ឆ្នាំរូបនេះនឹងផុតកុងត្រាក្នុងឆ្នាំ ២០១៨នេះហើយស្របពេលរបួសញាំញីនិងមិនសូវបានលេងក្នុងឈុតដំបូងរបស់Jose ផងនោះរូបគែអាចនឹងចូលនិវត្តន៍ឬក៏ចេញទៅលេងកន្លែងផ្សេង។
3- Marouane Fellaini
តាមពិតទៅ Man Utd មិនចង់បាត់បង់កីឡាករម្នាក់នេះទេប៉ុន្តែសាមីខ្លួនកីឡាករហាក់មិនចង់បន្តកុងត្រា។បែបណាក្ដី! រូបគេនឹងចេញពីក្លឹបឆាប់ៗនេះហើយ។
4- Ander Herrera
ខណៈដែលក្លឹបមិនទាន់បានប្រកាសផ្លូវការពីការបន្តកុងត្រាថ្មី ប៉ុន្តែរូបគេអស់សុពលភាពកុងត្រានៅឆ្នាំ ២០១៨នេះហើយ។ទោះបីរដូវកាលមុនរូបគេជាកម្លាំងសំខាន់របស់លោក Jose Mourinho ដោយមិនអាចខ្វះបានប៉ុន្តែរដូវកាលនេះរូបគេហាក់មិនសូវបានលេងនោះទេ។
5- Zlatan Ibrahimovic
របួសញាំញីធ្វើឲ្យរូបគេមិនបានលេង ស្របពេលវ័យកាន់តែចាស់ផងនោះ រូបគេគឺជាកីឡាករលេងនៅ Man Utd ដោយគ្មានតម្លៃខ្លួនហើយចប់រដូវកាលនេះ រូបគេអាចចេញដោយសេរីផងដែរ។
6- Sam Johnstone
កុងត្រារស់អ្នកចាំទីរូបនេះសល់តែ៥ខែទៀតប៉ុណ្ណោះជាមួយ Manchester United ហើយពេលនេះរូបគេកំពុងលេងក្នុងឈុតដំបូង១១នាក់របស់ Aston Villa ក្នុងលក្ខខណ្ឌខ្ចីជើង។ ស្ទើរតែ១០០%រូបគេនឹងចេញពីMan Utd។
7- Juan Mata
ដូចមិត្តរួមសញ្ជាតិ Herrera ដែរ, Juan Mata ប្រហែលក្លឹបមិនអនុញ្ញាតឲ្យចេញដោយគ្មានតម្លៃខ្លួននោះទេ។ពីព្រោះប៉ុន្មានប្រកួតចុងក្រោយនេះរូបគេគឺជាកម្លាំងសំខាន់របស់លោក Jose Mourinho ក្នុងឈុត១១នាក់ដំបូង។តែបើនិយាយពីកុងត្រាគឺផុតកំណត់នៅឆ្នាំ ២០១៨នេះហើយ។
8-Luke Shaw
អតីតខ្សែការពារស្លាបរបស់Southampton រូបនេះ បានចូលលេងក្នុងឈុតដំបូងរបស់ManUtd បាន២ប្រកួតពេញលេញហើយហើយដោយជំនួសAntonio Valencia ដោយសាររបួសសរសៃពួរប៉ុន្តែពេលត្រឡប់មកវិញនឹងធ្វើឲ្យLuke Shaw ត្រូវអង្គុយបម្រុងហើយស្របពេលកុងត្រាត្រូវផុតកំណត់ទៀតនោះ លទ្ធផលចាកចេញនឹងឃើញឆាប់ៗនេះ។
9- Ashley Young
ក្នុងរដូវកាល២០១៧/១៨នេះរូបគេគឺជាកីឡាករសំខាន់មួយរូបរបស់លោក Jose Mourinho ដោយទទួលបានការជឿជាក់ខ្លាំងបំផុតក្នុងតំណែងខ្សែការពារស្លាប។មានវ័យ៣២ឆ្នាំរូបគេនៅមានជម្រើសបន្តកុងត្រាជាមួយក្លឹបមួយឆ្នាំទៀតទោះបីជាកុងត្រាត្រូវផុតកំណត់នៅរដូបកាលនេះ។
