ខ្សែបម្រើ Manchester United កីឡាករ Marouane Fellaini ត្រូវបានកោះហៅចូលបញ្ជីជម្រើសជាតិបែលហ្សិកចុងក្រោយបំផុត បើទោះបីជា Manchester United មិនបានដាក់ឲ្យលេងក្នុងជំនួបជាមួយ CSKA Moscow ដោយសាររបួសកែងជើងក៏ដោយ។
កីឡការវ័យ២៩ឆ្នាំ បានរងរបួសអំឡុងពេលបិសាចក្រហមប្រកួតឈ្នះ Southampton ១-០កាលពីថ្ងៃសៅរ៍សប្ដាហ៍មុន ហើយមិនបានធ្វើដំណើរទៅកាន់ទីក្រុង Moscow ក្នុងការប្រកួត Champions League កាលពីល្ងាចថ្ងៃពុធនោះទេ។
📝This is our squad list for Bosnia & Herzegovina and Cyprus ! #BIHBEL #BELCYP #RoadToRussia pic.twitter.com/aAOe0nbGAy
— BelgianRedDevils (@BelRedDevils) September 29, 2017
កាលពីដើមសប្ដាហ៍នេះ លោក Jose Mournho បានថ្លែងថាលោកគ្មានសម្ពាធទៅលើ Fellaini ដែលមានឈ្មោះជាប់ជម្រើសជាតិក្នុងពេល International Break នោះទេ ហើយលោកបានបញ្ជាក់ថា ខ្សែបម្រើរូបនេះ ហាក់មិនទាន់ច្បាស់ថាបានចូលលេងក្នុងជំនួបជាមួយ Crystal Palace ក្នុង Premier League នៅថ្ងៃសៅរ៍។
ប៉ុន្តែបែបនេះក្ដី! អតីតខ្សែបម្រើរបស់ Everton នៅតែជាប់ឈ្មោះក្នុងបញ្ជីកីឡាកររបស់លោក Roberto Martinez ក្នុងជម្រុះWorld Cup ជាមួយជម្រើសជាតិក្រិក និងបូស្នី៕
