ក្លឹបបិសាចក្រហម ត្រូវបានគេដឹងថាបានចំណាយលុយដល់ទៅ៦០លានផោន ក្នុងដេញថ្លៃយកខ្សែបម្រើ Bayern Munich កីឡាករ Arturo Vidal នេះបើតាមប្រភព La Cuarta។
បិសាចក្រហមកំពុងបង្ហាញឆន្ទៈ ធ្វើការស្នើយកខ្សែបម្រើជម្រើសជាតិស៊ីលី ក្នុងប្រាក់ឈ្នួលមួយឆ្នាំ១៨លានផោន ហើយហេតុផលមួយទៀត គឺនាំអតីតកីឡាករ Juventus រូបនេះ មកជួយយឹតយោងទម្រង់លេងរបស់ Alexis Sanchez នៅ Old Trafford។
អញ្ចឹងក៏ដោយការចង់បានកីឡាករលេងសក់ម្នាក់នេះ មិនមែនជារឿងងាយស្រួលនោះទេ ពីព្រោះពួកគេត្រូវប្រជែងជាមួយ Chelsea, ខណៈដែលគ្រូបង្វឹកលោក Antonio Conte ធ្លាប់ធ្វើការជាមួយកីឡាករម្នាក់កាលនៅ Juventus បានបង្ហាញចំណាប់អារម្មណ៍ចង់បានយកមកធ្វើការជាមួយគ្នាម្ដងទៀត៕
