វាហាក់ដូចជារឿងកំប្លែងហើយអ្នកមួយចំនួនទៀត ក៏អាចនិយាយថាដេកស្រមៃទាំងថ្ងៃដែល CR7 អាចនាំព័រទុយហ្គាល់ឈ្នះពាន World Cup ខណៈជម្រើសជាតិអតីតជើងឯក Euro 2016 មួយនេះក៏មានកៅអីទៅលេងនៅ World Cup ក្នុងប្រទេសរុស្សីផងដែរ។
វាបានកើតឡើងរួចទៅហើយដែលខ្សែប្រយុទ្ធ Real Madrid រូបនេះមិនទាន់បានស៊ុតបញ្ចូលទីក្រុមខ្លាំងៗ ហើយគេម៏មិនទាន់ដឹងថា តើរូបគេអាចរកគ្រាប់បាល់បានច្រើនប៉ុណ្ណោះនោះទេ ប៉ុន្តែ World Cup នៅរុស្សីយ៉ាងហោចណាស់ក៏សន្និដ្ឋានបានថាអាចទៅរួចដែល Ronaldo រកគ្រាប់បាល់បាន។
បើនិយាយពី Messi វិញក្នុងសប្ដាហ៍នេះមិនទាន់អស់រឿងនិយាយពីការមិនបានចូលលេង ក្នុងមិត្តភាពជាមួយអេស្ប៉ាញហើយក្ដីរំពឹងឈ្នះ World Cup ខ្ពស់ជាង Ronaldo ឆ្ងាយផងនោះ។ប្រសិនបើគាត់ឈ្នះ World Cup នោះមិនចាំបាច់វែកញែកច្រើននោះគឺគាត់នឹងក្លាយជាកីឡាករល្អបំផុតលើកដាច់តែម្នាក់ឯង។
ចុះបើ Ronaldo ឈ្នះវិញ? ប្រសិនបើអ្នកស្រមៃឃើញ Messi លើកពាន World Cup ហើយបន្ទាប់មកអ្នកស្រមៃឃើញRonaldo លើកពានវិញម្ដង ក៏មិនមានរូបភាពអាក្រក់កើតឡើងដែរ ហើយគាត់នឹងឈ្នះពានគ្រប់យ៉ាងជាមួយជម្រើសជាតិជាមួយនឹង European Championshipមួយ World Cup មួយហើយគាត់អាចនឹងឈ្នះពាន Ballon d’Or លើកទី៦ ហើយបន្ថែមពាន Champions League លើកទី៤ ឬក៏ទី៤ក្នុងអាជីពនៅក្នុងក្លឹប៕
