លោក Christophe Dugarry អតីតកីឡាករជម្រើសជាតិបារាំងជំនាន់ Zidane ម្នាក់ បាននិយាយថាបារាំងមិនអាចឈ្នះពានWorld Cup នៅរដូវក្ដៅនេះទេ ប្រសិនបើពួកគេនៅតែបន្តដាក់ Olivier Giroud ក្នុងតំបន់ប្រយុទ្ធជួរមុខ។
ទោះបីជាមិនបានក្លាយជាខ្សែប្រយុទ្ធក្នុងឈុតជម្រើសដំបូងរបស់ Arsenal និង Chelsea ក្នុងរយៈពេលប៉ុន្មានឆ្នាំថ្មីៗនេះ រូបគេនៅតែត្រូវបានទទួលការទុកចិត្តពីគ្រូបង្វឹកជម្រើសជាតិបារាំងលោក Didier Deschamps។ ខ្សែប្រយុទ្ធរូបនេះរកបាន៣០គ្រាប់ហើយឲ្យជម្រើសជាតិច្រើនជាងកីឡាករណាៗទាំងអស់ដែលកំពុងលេងហើយក្លាយជាកីឡាករឈរលំដាប់ទី៥ស្មើជាមួយ Jean-Pierre Papin និង Just Fontaine។
ទោះបីជាយ៉ាងនេះក្ដី! Dugarry ដែលធ្លាប់លេងឲ្យជម្រើសជាតិឈ្នះ World Cup 1998 ជឿថាក្រុជម្រើសជាតិ នឹងល្អជាងទៅទៀតបើ Kylian Mbappe លេងក្នុងដំណែងលេខ៩។
“ការរកបាន៣០គ្រាប់ឲ្យជម្រើសជាតិបារាំង គឺទុកមួយឡែក។ ប៉ុន្តែខ្ញុំសូមបញ្ចេញមតិ ហើយខ្ញុំគិតថាប្រសិនបើបារាំងចង់លើកពាន World Cup យើងមិនអាចដាក់ Giroud ជាខ្សែប្រយុទ្ធកណ្ដាលគ្រប់ប្រកួតនោះទេ”។
“ វាមិនអាចទៅរួច។ ខ្ញុំពិតជាខកចិត្តដែលមិនមាន Mbappe ក្នុងតំណែងនេះ។ នេះមានន័យថា ការក្លាយជាអ្នកគ្រងជើងឯកវាចាំបាច់ត្រូវតែឈ្នះគ្រប់៧ប្រកួតក្នុង World Cup ហើយក៏មិនគួរមាន Giroud លេងទាំងអស់នោះទេ។ ល្អហើយ!ខ្ញុំជូនពរគាត់និងលើកទឹកចិត្តគាត់”។
Olivier Giroud is the seventh player in France’s history to score 30 goals for the national team.
He moves level with Jean-Pierre Papin and Just Fontaine. 🇫🇷 pic.twitter.com/OX7JAcRvJf
— Squawka Football (@Squawka) March 23, 2018
ចាប់តាំងពីរផ្ទេរមកលេងនៅ Chelsea, Giroud លេងបាន៨ប្រកួតរកបានមួយគ្រាប់ និងបញ្ជូនបាល់បាន៣គ្រាប់គ្រប់កម្មវិធីប្រកួត៕
