Luiz Figo បានត្រឡប់មកលេងនៅ Real Madrid វិញក្នុងកីឡដ្ឋាន Bernabeu កាលពីថ្ងៃអាទិត្យក្នុងការប្រកួតលក្ខណៈមិត្តភាពវ័យចាស់ជាមួយ Roma ដោយការប្រកួតនេះក្រុម Real Madrid Legend ឈ្នះ Roma Legend ៣ទល់០។តែយ៉ាងណាអតីតកីឡាកររូបនេះ បាននិយាយទាក់ទងទៅនឹងប្រធានបទកីឡាករបច្ចុប្បន្នផងដែរ។
ក្រោយចប់ការប្រកួតអតីតកីឡាកររបស់ Real Madrid រូបនេះបាននិយាយបែបផ្ដល់ដំបូន្មានឲ្យ James Rodriguez និងអំពី Real Madrid ផងដែរ។ មានព័ត៌មានជាច្រើននិយាយពីប្រធានក្រុមជម្រើសកូឡុំប៊ីនឹងចាកចេញពី Real Madrid ក្នុងរដូវក្ដៅនេះ។
ដូចនេះហើយ Figo បាននិយាយផ្ដល់ដំបូន្មានដល់កីឡាករវ័យ២៥ថា៖” ស្វែងរកកន្លែងដែលសប្បាយជាងនេះ។ វាគឺជាការសម្រេចចិត្តបុគ្គល។ គាត់នឹង Real Madrid ត្រូវតែស្វែងរកដំណោះស្រាយ“៕
