ខ្សែបម្រើ Manchester United កីឡាករ Ander Herrera បាននិយាយថារូបគេរីករាយ នឹងបោះបង់គោលបំណងប្រជែងពានលីគជាមួយ Manchester City ហើយប្រសិនបើ Manchester United មានឱកាសប្រជែងពាន Champions League។
ពេលនេះ City មាន១៦ពិន្ទុដាច់គេពេលឈ្នះ Stoke City យប់មិញ តែយ៉ាងណានេះហាក់មិនទាន់សុវត្ថិភាព១០០%នៅឡើយទេសម្រាប់ក្រុមលោក Pep Guardiola ដើម្បីលើកពាន Premier League។ Herrera មិនបានព្រួយបារម្ភពីក្រុមគូរប្រជែងរួមទីក្រុងមួយនេះឡើយ ដោយនិយាយថា៖” ខ្ញុំមិនគិតពី Manchester Cityទេ ខ្ញុំកំពុងគិតអំពីក្លឹបខ្លួនឯង។ ការឈ្នះ Champions League នឹងពិតជាមហាពិបាកបំផុតសម្រាប់យើង តែយើងនៅមានឱកាសនៅឡើយ”។
“ ដូច្នេះ បើអ្នកនិយាយពី City ឈ្នះពានហើយ Manchester United ឈ្នះ Champions League ខ្ញុំនឹងស៊ីញេឯកសារឥឡូវហ្នឹង!”
បិសាចក្រហមនឹងទទួលក្រុម Sevilla នៅយប់ថ្ងៃពុធក្នុងជើងទី២វគ្គ១៦ក្រុមចុងក្រោយ Champions League។ កាលពីជើងទី១ក្រុមទាំងពីរទទួលបានលទ្ធផលបានពងមាន់ម្នាក់មួយរៀងៗខ្លួន។
ក្រុមរបស់លោក Jose Mourinho នឹងធ្វើយ៉ាងណាឡើងទៅវគ្គបន្តឲ្យបានស្របពេលគោលបំណងសំខាន់របស់ក្លឹប គឺពានChampions League នេះហើយ៕
