កាលពីម្សិលមិញខ្សែប្រយុទ្ធ Arsenal កីឡាករ Theo Walcott បានចេញពីកីឡដ្ឋាន Emirates Stadium ទៅលេងនៅEverton ក្នុងតម្លៃ២០លានផោនបន្ទាប់ពីចំណាយពេល១២ឆ្នាំលេងបាន៣៩៧ប្រកួតរកបាន១០៩គ្រាប់។
ទោះបីជាក្លឹបកាលលេងនៅជាយុវជន Southampton បង្ហាញការចាប់អារម្មណ៍ចង់បានទៅវិញប៉ុន្តែ Walcottបានទម្លាយថាគាត់ពិភាក្សាជាមួយមិត្តរួមក្រុមជម្រើសជាតិអង់គ្លេសថាតើត្រូវទៅលេងនៅក្លឹបណាដែលអាចមានដំណែងលេង១១នាក់ដំបូង។
និយាយក្នុង Everton TV កីឡាករជម្រើសជាតិអង់គ្លេសបាននិយាយថា៖” ខ្ញុំបានឆាតជាមួយ Wayne ជាច្រើនហើយវាគឺជាកត្តាដែលឲ្យខ្ញុំមកចូលរួមជាមួយ Everton។ គាត់ប្រាប់ខ្ញុំថាវាគឺជាកន្លែងលេងដ៏អស្ចារ្យហើយក្លឹប កំពុងតែឡើងជើងឡើងវិញ នេះគឺជាហេតុផលដែលខ្ញុំមកទីនេះ”។
“មានក្លឹបមួយជាមួយនឹងប្រវត្តិសាស្ត្រ។ អ្នកគាំទ្រពិតជាក្លាហាន ពួកគេតែងតែងប់ងុលជាមួយពួកយើងហើយខ្ញុំធ្លាប់ចង់មកលេងនៅទីនេះដែរ”។
គេសង្ឃឹមថា Walcott នឹងចូលលេងដំបូងឲ្យក្លឹបនៅថ្ងៃសៅរ៍នេះទល់នឹង West Brom ក្នុងកីឡដ្ឋាន Goodison Park ទល់មុខអ្នកគាំទ្ររបស់ខ្លួន៕
