ប្រធានក្លឹប Real Madrid លោក Florentino Perez បាននិយាយបដិសេធថាលោកមិនបានចាប់អារម្មណ៍ចង់បាន De Gea អ្នកចាំទីរបស់ក្លឹប Manchester United ក្នុងរដូវដោះដូរកីឡាករនោះទេ។
កីឡាករវ័យ២៦ឆ្នាំ ដែលខកខានមកចូលរួមជាមួយ Real Madrid កាលពីឆ្នាំ២០១៥ នៅតែមានព័ត៌មានចចាមអារ៉ាមជាប់ទាក់ទងក្នុងការមកលេងនៅប្រទេសអេស្ប៉ាញជារឿយ។ ទោះបីជាយ៉ាងនេះក្ដី លោកតា Perez បាននិយាយក្រោយពេលលើកពាន Champions League លើកទី១២ថា លោកសុំបដិសេធក្នុងធ្វើការផ្ទេរអ្នកចាំទីជម្រើសជាតិអេស្ប៉ាញ។
“គាត់(De Gea) គឺជាអ្នកចាំទីដ៏អស្ចារ្យដែលកំពុងលេងនៅManchester United ហើយខ្ញុំមិនដឹងថាតើកន្លែងណាគាត់ក្នុងពេលអនាគតនោះទេ។ មានកីឡាករជាច្រើនពិសេសកីឡាករល្អក្នុងទីផ្សារប៉ុន្តែម្នាក់នេះពិតជាល្អបំផុត។”
តាបតាំងចាកចេញពី AT. Madrid កាលពីឆ្នាំ២០១១ មកលេងនៅ Old Trafford រូបគេបានអភិវឌ្ឍន៍ខ្លួនក្លាយជាកីឡាករលំដាប់ពិភពលោក បន្ទាប់ពីព្យាយាមសម្របខ្លួនយ៉ាងពិបាកក្នុងមជ្ឈដ្ឋានបាល់ទាត់អង់គ្លេស។
មកដល់បច្ចុប្បន្ន De Ga បង្ហាញខ្លួនឲ្យ Red Devil បាន២៦៩ប្រកួតគ្រប់កម្មវិធីប្រកួតដោយរក្សាបាន៩៦ Clean Sheets និងរបូតគ្រាប់បាល់២៧៥គ្រាប់។ក្នុងរដូវកាលនេះរូបគេបង្ហាញខ្លួនឲ្យ Man Utd បាន៤៥ប្រកួតរក្សាមិនឲ្យគេទាត់ចូលបាន១៦ដងក្នុងនោះ១៤លើកក្នុងពាន Premier League៕
