លោក Massimiliano Allegri និយាយថាគាត់គ្មានបញ្ហានោះទេទោះបីក្រុមរបស់លោក ត្រូវជួបក្រុមណាក៏ក្នុង Champions League លើកលែងតែ Barcelonaដែលលោកបានជួប៣ដងហើយក្នុងរយៈពេល៤រដូវកាលចុងក្រោយនេះ។
ក្រុមសេះបង្កង់បានកក់កៅអីវគ្គ៨ក្រុមចុងក្រោយ ហើយក្រោយពេលវាយបកយកឈ្នះ Spurs កាលពីថ្ងៃពុធក្រោយពេល Gonzalo Higuain និង Dybala រកបានមួយគ្រាប់ម្នាក់។ និយាយក្នុងកាសែត ViaSport បន្ទាប់ពីក្រុមរបស់លោកប្រកួតរួច Allegri បានបញ្ជាក់ថាមានក្រុមមួយដែលលោក សង្ឃឹមថានឹងអាចជៀសផុតនៅវគ្គ៨ក្រុមចុងក្រោយគឺ Barcelona៖ “ក្រុមតែមួយគត់ដែលខ្ញុំមិនចង់ជួបគឺ Barcelona ស្ទើរតែរាល់ឆ្នាំ Barcelona, Barcelona, Barcelona ឥឡូវនេះសុំឈប់ហើយ”។
Juventus លេងជាមួយBarca ៣ដងហើយក្នុងរយៈពេល៤ឆ្នាំចុងក្រោយដោយជួបវគ្គផ្ដាច់ព្រ័ត្រកាលពីឆ្នាំ២០១៤/១៥វគ្គ៨ក្រុមកាលពីឆ្នាំមុនហើយវគ្គជម្រុះក្នុងពូលនៅឆ្នាំនេះ។
“ខ្ញុំបាននិយាយថាចាប់តាំងពីខ្ញុំមកដឹកនាំJuventus ដំបូងថាគោលបំណងរបស់យើងគឺឡើងឲ្យបានខ្ពស់តាមតែអាចធ្វើបាន។ ប៉ុន្តែក្រឡេកមើលជុំវិញអ្នកមើល! យើងដល់វគ្គ៨ក្រុមហើយតើមានក្រុមណាមួយដែលខ្សោយនោះគឺសុទ្ធតែជាក្រុមល្អៗទាំងអស់”។
ALLEGRI: – The only team I don’t want is Barcelona. Because every year, Barcelona, Barcelona, Barcelona. Now stop!
(@JanAageFjortoft) pic.twitter.com/bUUCQmrAo2
— Viasport Fotball (@ViasportFotball) March 7, 2018
“ មនុស្សជាច្រើនតែងតែនិយាយពី Real Madrid, Barcelona ជាក្រុមមានភាគរយខ្ពស់ដែលនេះមិនមែនថាយើងមិនអាចប្រជែងជាមួយពួកគេបានទេ។ Bayern Munich ក៏ជាក្រុមមួយគ្រោះថ្នាក់ផងដែរ”៕
