ខ្សែការពារកណ្ដាលជម្រើសជាតិកូឡុំប៊ី Yerry Mina ដែលកំពុងលេងនៅក្លឹបប្រេស៊ីល Palmeiras បានផ្ទេរមកលេងនៅក្លឹប Barcelona ដោយជោគជ័យហើយបន្ទាប់ពីទទួលបានការអារម្មណ៍ពីក្លឹបអេស្ប៉ាញមួយនេះ។
កីឡាករវ័យ២៣ឆ្នាំបានស៊ីញេកុងត្រារយៈពេល៥ឆ្នាំកន្លះ ជាមួយក្លឹបមានមូលដ្ឋាននៅតំបន់ Catalan ខណៈតម្លៃផ្ដាច់កុងត្រាមានដល់ទៅ ១០០លានអឺរ៉ូហើយរូបគេនឹងពាក់អាវលេខ២៤។
ក្រុមរបស់លោក Ernesto Valverde បានចំណាយលុយ១១.៨លានផោនពីក្លឹបប្រេស៊ីលដែលកីឡាករម្នាក់នេះ ត្រូវបានគេចាត់ទុកថាអាចជំនួសដំណែងរបស់ Javier Mascherano រយៈពេលយូរក្នុងតំបន់ការពារទាំង៤។
កម្ពស់ដល់ទៅ១.៩៥ម៉ែត្រ កីឡាករម្នាក់នេះជំនាញប្រើក្បាលសម្រេចទី ដោយរកបាន៨គ្រាប់ក្នុងចំណោម៣៣ប្រកួតឲ្យPalmeiras កីឡាករម្នាក់នេះក៏ជំនាញខាងល្បឿន គ្រប់គ្រង់បាល់ក្នុងតំបន់ការពារ ហើយការសម្រេចក្នុងនាមជាខ្សែការពារបានល្អ៕
