ប្រភព Don Balon បានបញ្ជាក់ថា Manchester Unitedបានដាក់សំណើចង់បានខ្សែបម្រើប្រយុទ្ធស្លាប Marco Asensio ពីReal Madrid ខណៈសំណើនោះត្រូវបានគេដឹងថា សរុបទឹកប្រាក់ប្រហាក់ប្រហែលតម្លៃខ្លួន Coutinho ផ្ទេរទៅ Barcelona។
Asensio ត្រូវបានគេចាត់ទុកថាជាតារាវ័យក្មេង មានទេពកោសល្យបំផុតនៅកីឡដ្ឋាន Bernabeu ហើយសមត្ថភាពរបស់កីឡាករម្នាក់នេះ មិនអាចគេចផុតពីក្រសែភ្នែករបស់លោក Jose Mourinho នោះទេ។ ស្របពេលគ្រូបង្វឹកព័រទុយហ្គាល់ គឺជាអ្នកគាំទ្រដ៏ងប់ងុលរបស់កីឡាករម្នាក់នេះ ផងនោះ, Mourinho ឃើញថា Asensio គឺជាកីឡាករសំខាន់ម្នាក់របស់ Man Utd ដែលអាចជួយក្រុមតាមទាន់ក្រុម Manchester City។
ទោះបីជា Real Madrid មិនព្រមលក់ក៏ដោយ Man Utd នឹងចូលរួមពិភាក្សាដល់ផ្ទះរបស់ក្លឹបមានមូលដ្ឋាននៅទីក្រុងម៉ាឌ្រីដក្នុងតម្លៃចរចាមួយដ៏ធំ៕
