អ្នកគាំទ្របាល់ទាត់របស់ Manchester United កំពុងតែបង្ហាញភាពភ្ញាក់ផ្អើលខ្លាំង អំពីភាគរយនៃការទិញបានកីឡាករថ្មីទី៣ក្នុងរដូវកាល ក្រោយពេលគេឃើញ Nemanja Maticពាក់អាវហ្វឹកហាត់របស់ Man Utd បង្ហោះតាមអនឡាញ។
រូបភាពមួយសន្លឹកនេះ មានការពិភាក្សាគ្នាខ្លាំងថា រូបនេះមិនពិតទេ គឺគ្រាន់តែជាការកាត់តក្នុង Photoshop ប៉ុណ្ណោះហើយរូបនេះពីដំបូងគឺអតីតខ្សែបម្រើ Bastian Schweinsteiger ដោយគ្រាន់តែប្ដូរមុខ ព្រោះលេខ៣១នេះគឺជាលេខរបស់សញ្ជាតិអាល្លឺម៉ង់ពាក់។ បែបណាក្ដី! អាវរបស់ Matic ត្រូវបានគេដឹងថាជាអាវហ្វឹកហាត់រដូវកាលថ្មីរបស់ Man Utd សម្រាប់ Schweinsteiger ប៉ុន្តែមិនទាន់បានពាក់ផង ត្រូវផ្ទេរទៅលេងនៅអាមេរិកបាត់ហើយកាលពីខែមករា។
ងាកមកវិញ!បើរូបនេះជាការពិតរបស់ Matic គេអាចសន្និដ្ឋានបានថា ខ្សែបម្រើសញ្ជាតិស៊ែប៊ីនឹងផ្ទេរមក Old Trafford នៅប៉ុន្មានថ្ងៃខាងមុខហើយរូបគេអាចនឹងលេងក្នុងពាន UEFA Super Cup, ខណៈមានព័ត៌មានមួយចំនួនថា រូបគេបានមកពិនិត្យសុខភាពរួចទៅហើយ។
Jose មិនបានលាក់បាំងនៃគោលបំណងចង់បានខ្សែបម្រើកណ្ដាលថ្មីនៅរដូវកាលនេះទេ ព្រោះលោកធ្លាប់បាននិយាយថាចង់បានម្នាក់មកជួយបង្កើតតុល្យភាពក្រុម ហើយកីឡាករក៏ដែលគាត់ចង់បានគឺអតីតខ្សែបម្រើក្លឹប Benfica ដែលគាត់ទិញបានកាលដឹកនាំ Chelsea៕
