កីឡាករ Michy Batshuayi បាននិយាយបែបកំប្លែងជាមួយនឹងអ្នកយកសារព័ត៌មានពី Usain Bolt កំពុងយកដំណែងប្រយុទ្ធរបស់គាត់នៅក្លឹប Borussia Dortmund បន្ទាប់បង្ហាញសមត្ថភាពក្នុងពេលហ្វឹកហាត់សាកល្បងជាមួយក្រុមកីឡាករ។
បុរសរត់លឿនជាងគេលើភពផែនដី បានទាក់ទាញអ្នកសារព័ត៌មានជាច្រើនអំឡុងពេលហ្វឹកហាត់សាកល្បងជាមួយក្លឹបលេងនៅ Bundesliga ក្រោយពេលចូលនិវត្តន៍ពីអត្តពលិករត់ប្រណាំង។ Bolt ត្រូវបានអញ្ជើញឲ្យមកហ្វឹកហាត់ជាមួយ Dortmund អំឡុង International Break ហើយរូបគេក៏បង្ហាញថ្វីជើងល្អក្នុងការលេងបាល់ទាត់ផងដែរ។
ក្នុងស្ថានភាពនេះខ្សែប្រយុទ្ធ Michy Batshuayi កំពុងព្រួយបារម្ភពីកន្លែង១១នាក់ដំបូងរបស់គាត់ត្រូវបាន Bolt ដណ្ដើមយក។“ខ្ញុំបានមើលវីដេអូ គាត់ចេះញាក់ស៊ីប្រឡោះជើង ហើយរកបានគ្រាប់បាល់ដ៏ទៀត។ គាត់ជាជើងឯក គាត់ជំរុញខ្លួនឯងឲ្យជៀសពីការកំណត់សមត្ថភាពរបស់គាត់។ គាត់ចង់បំបែកកំណត់ត្រាទាំងអស់គាត់ព្យាយាមបង្កើតខ្លួនឯងក្នុងកីឡាផ្សេង វាពិតជាល្អ ខ្ញុំរីករាយចំពោះគាត់ ប៉ុន្តែខ្ញុំសង្ឃឹមថាគាត់នឹងមិនយកកន្លែងរបស់ខ្ញុំទៅចុះ”។
Batsguayi បានបង្ហាញទម្រង់លេងល្អបំផុតក្រោយចាកចេញពី Chelsea ក្នុងលក្ខណៈខ្ចីជើងទៅលេងនៅក្លឹបអាល្លឺម៉ង់ដោយរកបាន៨គ្រាប់ក្នុងចំណោម១១ប្រកួត ហើយពេលនេះ រូបគេកំពុងជាប់ភារកិច្ចក្នុងជម្រើសជាតិត្រៀម World Cup និងការប្រកួតមិត្តភាព៕
