គ្រូបង្វឹកក្លឹបបិសាចក្រហមលោក Jose Mourinho បានចាត់ទុក Nemanja Matic គឺជាកូនសិស្សល្អបំផុត ដែលគាត់ធ្លាប់បង្រៀនតាំងពីធ្វើគ្រូបង្វឹកដំបូងហើយលោកថែមតាំងនិយាយថាមកដល់ពេលនេះ កីឡាករសញ្ជាតិស៊ែបនៅតែជាកូនសិស្សល្អទោះបីជាត្រូវបានដកដំណែងពី Chelsea។
Matic បានចាកចេញពី Benfica មកលេងនៅ Chelsea ក្នុងខែមករាឆ្នាំ២០១៤ អំឡុងការដឹកនាំរបស់លោក Jose Mourinho ជាលើកទី២ហើយរូបគេបានជួយតោខៀវឈ្នះពាន Premier League ក្នុងរដូវកាល២០១៤-២០១៥។ ហើយរូបគេក៏ជាកម្លាំងសំខាន់របស់តោខៀវដដែល ពេលក្លឹបឈ្នះពាន Premier League ក្រោមការដឹកនាំរបស់លោក Conte ប៉ុន្តែក្លឹបបានសម្រេចចិត្តឲ្យរូបគេចាកចេញមកលេងនៅ Old Trafford ក្នុងរដូវកាលនេះ។
ការមកលេងនៅ Man Utd នឹងអនុញ្ញាតឲ្យកីឡាកររូបនេះលេងក្រោមការដឹកនាំរបស់លោក Jose ជាលើកទី២ហើយគ្រូបង្វឹកសញ្ជាតិព័រទុយហ្គាល់ក៏បង្ហាញការសប្បាយចិត្តដែលបានបង្ហាត់បង្រៀនម្ដងទៀត។
Jose បាននិយាយក្នុងគេហទំព័រ The Sun ថា៖” Matic, ខ្ញុំអាចនិយាយថាគ្មានមនុស្សណាម្នាក់ល្អជាងគាត់ទៀតទេ ក្នុងអាជីពជាគ្រូបង្វឹករបស់ខ្ញុំ។ អ្វីដែលខ្ញុំបានធ្វើជាមួយគាត់គឺនៅតែចាំរហូតមិនថាគាត់នៅបម្រុង លេងបានត្រឹមតែ៤៥នាទីឬដាក់គាត់ឲ្យអង្គុយ៧០ទៅ៧៥នាទីគាត់ពិតមិនសប្បាយចិត្តទេ។”
“ពេលនោះ(កាលនៅ Chelsea)ខ្ញុំពិតមិនសប្បាយចិត្តដោយសារខ្ញុំទុកគាត់ចោល។ ហើយខ្ញុំក៏មិនធ្វើរឿងនេះជាលើកទី២ដែរ។ថ្ងៃបន្ទាប់គាត់បាននិយាយថាគាត់មិនសប្បាយចិត្តទេ ប៉ុន្តែវាកំហុសរបស់ខ្ញុំ។ ខ្ញុំមិនអាចធ្វើអីបានហើយ២សប្ដាហ៍ក្រោយមកខ្ញុំចេញពីដំណែង”។
