Zlatan Ibrahimovic បាននិយាយថាតួនាទីរបស់ David Beckham ធ្លាប់លេងនៅក្លឹបអាមេរិកបានធ្វើឲ្យគាត់ ចង់ទៅចូលរួមជាមួយ LA Galaxy ក្នុង MLS។
កីឡាករវ័យ៣៦ឆ្នាំត្រូវបាន Manchester United អនុញ្ញាតឲ្យចេញ ដោយបិទកុងត្រាចោល ហើយរូបគេក៏ស៊ីញេកុងត្រាជាមួយអតីតក្លឹបរបស់ Beckham រយៈពេល១៨ខែ។ Ibrahimovic ក៏បានស្ថិតក្នុងទំព័រផ្សាយពាណិជ្ជកម្មរបស់កាសែត LA Time ពីការមកដល់របស់ខ្លួនហើយកំពុងរកវិធីសាស្រ្តលើកពានក្នុងអាជីពចុងក្រោយរបស់ខ្លួន។
អតីតខ្សែបម្រើអង់គ្លេស David Beckham ក៏ធ្លាប់លេងឲ្យ LA Galaxy ហើយការធ្លាប់លេងរបស់អតីតខ្សែបម្រើ Manchester United, Real Madrid, AC Milan, PSG រូបនេះហើយបណ្ដាលឲ្យ Ibra សម្រេចចិត្តផ្ទេរមកលេងនៅក្លឹបរបស់អាមេរិកដែរ។
“ខ្ញុំបានជួប David កាលខ្ញុំលេងនៅ PSG ហើយគាត់និយាយជាច្រើនពី Galaxy, បទពិសោធន៍ដែលគាត់មានជាមួយអាមេរិក ហើយគាត់ពិតជាវិជ្ជមាន”Ibrhimovic និយាយអំឡុងចុះកុងត្រាជាមួយLA Galaxy។
“គាត់ធ្លាប់និយាយ៖” អ្នកត្រូវសាកល្បងហើយទៅសាកមើលទៅលេងនៅទីនោះ!”ហើយគាត់ថែមទាំងនិយាយថាគ្រប់យ៉ាងគឺពិតជាអស្ចារ្យវាស្ថិតក្នុងដំណើរការប៉ុន្តែមួយផ្នែកពិតជាអស្ចារ្យហើយគួរឲ្យមោទនភាព”។
“ ដូច្នេះហើយខ្ញុំពិតជារីករាយនូសម្ដីរបស់គាត់បាននិយាយពីព្រោះតែវាងាយស្រួលសម្រាប់អ្នកពេលដែលអ្នកជ្រើសរើសអ្វីដែលអ្នកចង់ធ្វើសម្រាប់អនាគតបន្ទាប់”។
“ដូចអ្វីដែលខ្ញុំបាននិយាយអញ្ចឹង!រឿងទាំងនេះ ស្ទើរតែកើតឡើងតាំងពីមុនប៉ុន្តែវាមិនអាចប៉ុន្តែពេលនេះបានកើតឡើងហើយ វាជារជ្ជកាលថ្មីរបស់ខ្ញុំ”៕
