គោលបំណងរបស់ជម្រើសជាតិអេស្ប៉ាញ គឺដូចទៅនឹងជម្រើសជាតិដទៃៗទៀតដែរ គឺលើកពាន World Cup ប្រសិនណាបើពួកគេអាចនាំជម្រើសជាតិលើកពានបាល់ទាត់ពិភពលោកនេះមែន ប្រាក់រង្វាន់១២៥,០០០អឺរ៉ូនឹងដល់ដៃកីឡាករជម្រើសជាតិទាំងអស់។
តាមប្រភព AS ប្រសិនបើមិនបានលើកពាន World Cup ទេ ពួកគេនៅតែបានប្រាក់រង្វាន់ដូចគ្នាគឺបានតែ ៩៥០០០អឺរ៉ូក្នុងម្នាក់ៗសម្រាប់លេងឡើងដល់វគ្គពាក់កណ្ដាលផ្ដាច់ព្រ័ត្រ។ ហើយបើឆ្លងផុតវគ្គជម្រុះក្នុងពូលពួកគេ ទទួលបានម្នាក់៣០០០០អឺរ៉ូ។ លើសពីនេះពួកគេក៏ទទួលបាននាឡិកាដៃម្នាក់មួយគ្រឿងពីសហព័ន្ធបាល់ទាត់អេស្ប៉ាញផងដែរ សម្រាប់ការជាប់ឈ្មោះបានលេងក្នុងជម្រើសជាតិ។
ប្រាក់រង្វាន់ទាំងនេះបានត្រៀមទុករួចហើយ ហើយពួកគេក៏កំពុងសម្លឹងរកផ្លូវលេងដើម្បីឈ្នះពាន។ គោលដៅរបស់គេគឺឃ្លាំមើលទម្រង់លេងជម្រើសជាតិអាល្លឺម៉ង់បានទៅលេងដល់វគ្គផ្ដាច់ព្រ័ត្រដែរអត់ ហើយក្រុមខ្លាំងអាហ្សង់ទីនបានឡើងដល់កម្រិតណា៕
