កាសែតអង់គ្លេសមួយបានរាយការណ៍ថា David Beckham ចង់បាន Wayne Rooney និង Cristiano Ronaldoទៅជួយក្លឹបថ្មីរបស់ខ្លួននៅអាមេរិក។
អតីតកីឡាករសញ្ជាតិអង់គ្លេស ក៏បានគិតរកអ្នកចាត់ការល្បីណាមួយរូបទៅបង្វឹកក្លឹបថ្មី ហើយគោលដៅរបស់គាត់ គឺអតីតគ្រូបង្វឹករបស់ខ្លួនកាលនៅ PSG លោក Carlo Ancelotti។ ខណៈដែលក្លឹបនៅលីគកំពូលអាមេរិក ចាប់ផ្ដើមចាយលុយធំ លីកក្នុងប្រទេសនេះ បានទាក់ទាញតារាបាល់ទាត់ជាច្រើននាក់ ហើយកីឡាករចុងក្រោយដែលទៅកាន់ទឹកដីមួយនេះ គឺZlatan Ibrahimovic ដែលទើបតែផ្ទេរទៅលេងនៅ LA Galaxy រួចរាល់កាលពីប៉ុន្មានថ្ងៃមុន។
ខណៈដែល Rooney ជាកីឡាករសំខាន់របស់ Evertonគាត់នឹងមិនចាប់អារម្មណ៍ទៅភ្លាមៗទេ ខណៈដែល Real Madrid មិនអាចខ្វះ Ronaldo បានទៀតនោះ។ តារាបាល់ទាត់សញ្ជាតិព័រទុយហ្គាល់រកបាន២៣គ្រាប់ហើយគិតចាប់ពីថ្ងៃទី១មករាឆ្នាំ២០១៨មកហើយ ពេលនេះគាត់ក៏មិនទាន់គិតថានឹងចាកចេញឆ្លងទ្វីបដល់អាមេរិកនោះដែរ៕
