ខ្សែ​ប្រយុទ្ធ ​Juventus កីឡាករ​ Paulo Dybala មិន​បាន​កោះហៅ​ឲ្យ​ចូល​ជម្រើស​ជាតិ​ក្រោម​ការ​ដឹកនាំ​ពី​លោក​ Jorg Sampaoli  ដើម្បី​ក្នុង​ការ​ប្រកួត​មិត្តភាព​ឲ្យ​អាហ្សង់ទីន​នោះ​ទេ​ ប៉ុន្តែ​គាត់​កំពុង​ស្ថិត​ក្នុង​ការ​តាម​ប្រមាញ់​ពី ​Real Madrid ។​ វត្តមាន​ក្នុង​រដ្ឋធានី​នៃ​ប្រទេស​អេស្ប៉ាញ​ បាន​ធ្វើ​ឲ្យ​គេ​សន្និដ្ឋាន​ថា ​ព័ត៌មាន​ចចាមអារ៉ាម​រឿង​ទៅ​លេង​នៅ ​Real អាច​រូបរាងបណ្ដើរៗ​ហើយ។

ខ្សែ​ប្រយុទ្ធ​វ័យ​ក្មេង​ម្នាក់​នេះ​មាន​ទំនាក់ទំនង​ផ្ទេរ​ទៅ ​Real និង ​Barca មុន​ចុះ​កុង​ត្រា​បន្ថែម​ជាមួយ ​Juventus ហើយ​បើ​តាម​ប្រភព​ La Joya បាន​ឲ្យ​ដឹង​ថា ​រូប​គេ​នឹង​មក​ចូល​រួម​ជាមួយ​ក្លឹប​អេស្ប៉ាញ​ណា​មួយ​​ ខណៈ​ដែល​កុង​ត្រ​របស់​គាត់​ផុត​កំណត់​នៅ​ថ្ងៃ ​៣០ ​​មិថុនា​ ឆ្នាំ​២០២២។

ទោះ​បី​ជា​យ៉ាង​នេះ​ក្ដី! ព័ត៌មាន​ចចាមអារ៉ាម​កំពុង​តែ​និយាយ​ពី​ Dybala ហើយ​តាម​ពិត​ទៅ​ថ្មី​ៗ​នេះ ​រូប​គេ​ត្រូវ​បាន​គេ​ឃើញ​នៅ​ទី​ក្រុង​ម៉ាឌ្រីដ​។ Dybala មិន​បាន​កោះហៅ​ឲ្យ​ចូល​ជម្រើស​ជាតិ​​លេង​ទល់​នឹង​អ៊ីតាលី ​និង​អេស្ប៉ាញ​ទេ​ ប៉ុន្តែ​គេ​ឃើញ​កីឡាករ​កំពុង​នៅ​រដ្ឋធានី​អេស្ប៉ាញ​ទៅ​វិញ។ តាម​ប្រភព​ AS គេ​ឃើញ ​Dybala នៅ​ជាមួយ​បង​ប្រុស​របស់​ខ្លួន​ដែល​គេ​ដឹង​ថា​ជា​ភ្នាក់ងារ​របស់​កីឡាករ​ផង​ដែរ​ ហើយ​ក៏​មាន​មិត្ត​២​ទៅ​៣​នាក់​ទៀត ​​កំពុង​អង្គុយ​ញ៉ាំ​អាហារ​ក្នុង​ភោជនីយដ្ឋាន​មួយ​ឈ្មោះ​ “Los Arroces se Sagis” ក្នុង​ទី​ក្រុង​ម៉ាឌ្រីដ។

បើ​ទៅ​មើល​ក្រុម​ជម្រើស​ជាតិ​ប្រកួត​ជាមួយ​អេស្ប៉ាញ​ក៏​មិន​ត្រូវ​ដែរ ពី​ព្រោះ​ក្រុម​ទាំង​ពីរ​ជួប​គ្នា​នៅ​ថ្ងៃ​ទី​២៧​មីនា​ឯណោះ អញ្ចឹង​គាត់​មក​អេស្ប៉ាញ​ធ្វើ​អី?