Lucas Hernandez គឺជាករណីកីឡាករបដិសេធលេងឲ្យជម្រើសជាតិអេស្ប៉ាញចុងក្រោយគេបំផុត ដោយសុខចិត្តជ្រើសយកជម្រើសជាតិបារាំង។ កាលពីប៉ុន្មានឆ្នាំមុន ម្ចាស់ពាន Ballon d’Or កីឡាករ Lionel Messi ក៏អាចលេងឲ្យជម្រើសជាតិគោជល់អេស្ប៉ាញបានដែរ តែបេះដូងរបស់ដក់ជាប់ឲ្យអាហ្សង់ទីន។
Rafinha Alcántara
Mazinho, ម្ចាស់ជយលាភី World Cup 1994 របស់ប្រេស៊ីលគឺជាឪពុករបស់ Thiago និង Rafinha ។ ពួកគេទាំងពីរកើតនៅអេស្ប៉ាញ។ ខណៈពេលដែល Thiago កំពុងមានឈ្មោះជារឿយៗ ក្នុងក្រុមបាល់ទាត់ជម្រើសជាតិអេស្ប៉ាញហើយ Rafinha សុខចិត្តជ្រើសរើសផ្លូវដើរតាមឪពុករបស់ខ្លួនតំណាំងឲ្យជម្រើសជាតិប្រេស៊ីល។
Dani Alves
នៅពេលដែល Alves កំពុងលេងឲ្យ Sevilla លោក Luis Aragones ជាគ្រូបង្វឹកក្រុមជម្រើសជាតិអេស្ប៉ាញ។ Aragones បានកោះហៅខ្សែបម្រើការពារស្លាបស្ដាំរូបនេះឲ្យលេងជាមួយអេស្ប៉ាញសម្រាប់World Cup 2006 ប៉ុន្តែ Dani Alves យកជម្រើសជាតិប្រេស៊ីលវិញរហូតដល់បច្ចុប្បន្ន។
Aymeric Laporte
កើតនៅបារាំងតែធំធាត់នៅអេស្ប៉ាញ។ Laporte បង្ហាញខ្លួនឲ្យជម្រើសជាតិបារាំងក្នុងឈុត U ស្ទើរគ្រប់ឈុត ប៉ុន្តែមិនទាន់បានជាប់ឈុតធំនៅឡើយទេ។ រូបគេអាចលេងឲ្យអេស្ប៉ាញបាន ប៉ុន្តែជម្រើសជាតិបារាំងគឺជាផ្នែកមួយសំខាន់ដែរ។
Lucas Hernandez
Hernandez ជាកីឡាករចុងក្រោយជាប់ទាក់ទងនឹងសង្គ្រាមដណ្ដើមដំណែងកីឡាករជម្រើសជាតិ។ ទោះបីជាអេស្ប៉ាញព្យាយាមអន្ទងឲ្យលេងឲ្យខ្លួនតែសាមីខ្លួនកីឡាករ ជាប់ឈ្មោះក្នុងក្រុមរបស់លោក Didie Deschamps ។
Lionel Messi
ទោះបីអាចលេងឲ្យជម្រើសជាតិអេស្ប៉ាញឈុតធំតាំងពីក្មេងក្ដីរូបគេមិនបានដក់ក្នុងចិត្តនោះដែរ។អាហ្សង់ទីនគឺជាប្រទេសតែមួយគត់ដែលអាចយករូបគេលេងតំណាងជម្រើសជាតិបាន៕
