ក្រុមគោជល់អេស្ប៉ាញ បានត្រឹមស្មើគ្នាជាមួយ ក្រុមភ្ញៀវស្វីស ១ទល់នឹង១ កាលពីយប់មិញក្នុងជំនួបមិត្តភាពកំដៅសាច់ដុំកាលត្រៀមសម្រាប់ព្រឹត្តិការណ៍ FIFA World Cup នៅប្រទេសរុស្ស៊ី។

ក្នុងការប្រកួតកាលពីម្សិលមិនមានវត្តមានរបស់សមាជិក Real Madrid ដែលជាប់ក្នុងបញ្ជីក្រុមជម្រើសឡើយ ដោយសារតែគ្រូបង្វឹកនៅទុកពេលឲ្យសម្រាកនៅឡើយក្រោយទើបឈ្នះពានរង្វាន់ UEFA Champion League កាលពីពេលថ្មីៗនេះ។

ដោយឡែកនៅក្នុងការប្រកួតវិញ ១គ្រាប់របស់ក្រុមម្ចាស់ផ្ទះរកបានដោយខ្សែការពារវ័យក្មេង Alvaro Odriozola របស់ Real Sociedad ខណៈខ្សែការពារ Ricardo Rodriguez របស់ AC Milan ក៏ស៊ុតតាមស្មើមកវិញ។

ក្រោយពីបញ្ចប់ការប្រកួតមិត្តភាពនេះ ក្រុមជើងឯកបាល់ទាត់ពិភពលោកឆ្នាំ២០១០​នឹងត្រូវបន្តប៉ះជាមួយទុយនេស៊ីនៅថ្ងៃទី៩ ខាងមុខនេះ ខណៈស្វីសត្រូវស្វាគមន៍ក្រុមសាម៉ូរ៉ៃជប៉ុន នៅថ្ងៃទី៨ ខែមិថុនា មុនធ្វើដំណើរទៅប្រទេសរុស្ស៊ីដើម្បីប្រកួតប្រជែងក្នុងព្រឹត្តិការណ៍ FIFA World Cup 2018។

ទស្សនាវីដេអូហាយឡាយ៖