លោក Jose Moutinho មិនបានឲ្យខ្សែប្រយុទ្ធ ថ្មីរបស់ Romelu Lukaku របស់ខ្លួនសម្រាកឬអង្គុយកៅអីបម្រុងនោះទេ ដរាបណា Zlatan Ibrahimovic មិនទាន់ត្រឡប់មកវិញ។
ដើមរដូវកាលដំបូងនៅ Old Trafford, Lukaku រកបាន១០គ្រាប់ហើយក្នុង៩ប្រកួតគ្រប់ពានរង្វាន់ ក្រោយចាកចេញពី Evertonក្នុងតម្លៃខ្លួន៧៥លានផោន។ Mourinho ដែលនឹងទទួលក្រុមបាតតារាង Crystal Palce នៅយប់នេះ បាននិយាយថា ខ្សែប្រយុទ្ធវ័យ២៤ឆ្នាំ Lukaku នៅតែបន្តលេងដោយមិនបានសម្រាកនោះឡើយរហូតទាល់តែ Ibrahimovic ជាពីរបួសត្រឡប់មកលេងលើទីលានវិញ។
“គ្មាន Zlatan យើងមិនអាចប្ដូរខ្សែប្រយុទ្ធបានទេ ពិសេសដោយសារតែ Marcus Rashford ក៏លេងដំណែងមិនមែនលេខ៩នេះដែរ។ គ្មាន Zlatan យើងមិនអាចឲ្យខ្សែប្រយុទ្ធរបស់យើងសម្រាកបានទេគឺដូចតំបន់ដទៃៗទៀតក្នុងទីលានអញ្ចឹង”។
Lukaku ហាក់មិនបានបង្ហាញពីភាពធ្លាក់ទម្រង់លេងរបស់ខ្លួនក្នុងតំបន់ប្រយុទ្ធនៅMan Utd នោះទេដោយរូបគេមានឈ្មោះក្នុងជម្រើសជាតិបែលហ្សិកក្នុងវគ្គជម្រុះ World Cup ទៀតផង៕
