លោក Charlie Adam បានទទូចថា តារារបស់ក្រុមហង្សក្រហម Mohamed Salah នឹងមិនបានលេងសូម្បីតែមួយប្រកួត ឲ្យReal Madrid ឬក៏ Barcelona ទោះបីជាបង្ហាញទម្រង់លេងគួរឲ្យភ្ញាក់ផ្អើលក្នុងរដូវកាលនេះក៏ដោយ។
វាពិតជាអស្ចារ្យណាស់សម្រាប់កីឡាករសញ្ជាតិអេហ្សីបដែលគ្រាន់ចំណាយពេលក្នុងរដូវកាលដំបូងនៅ Liverpool ក្រោយចេញពី Barcelona ដោយរូបគេរកបាន៣៧គ្រាប់ក្នុងការបង្ហាញខ្លួនគ្រប់ការប្រកួត និងគ្រប់ពានរង្វាន់ ខណៈ២៩គ្រាប់បានពីការលេងនៅ Premier League។
ទម្រង់លេងល្អបែបនេះ ធ្វើឲ្យអ្នកគាំទ្របាល់ទាត់និងមនុស្សជាច្រើន គិតថាអាចមានសមត្ថភាពលេងឲ្យក្លឹបធំៗដូចជា Real Madrid ឬក៏ Barcelona ប៉ុន្តែ Adam ជឿថា Salah នឹងមិនទាន់ល្អគ្រប់គ្រាន់អាចលេងឲ្យក្លឹបល្អបំផុតក្នុងលោកទាំងពីរនេះបានទេក្រៅពីកីឡដ្ឋាន Anfield។
“ តើគាត់នឹងទៅណា? វាពិតជាពិបាកណាស់សម្រាប់គាត់។ តើនឹងត្រូវទៅណា?”អតីតខ្សែបម្រើ Liverpool និងកីឡាករកំពុងលេង Stoke City និយាយក្នុង talkSPORT។
“តើអាចនឹងបានលេងបានមួយប្រកួតនៅ Real Madridទេ?តើគាត់នឹងអាចលេងឲ្យ Barcelona មួយសូម្បីមួយប្រកួតទេ? ខ្ញុំមិនគិតថាគាត់អាចនោះទេ។ខ្ញុំគិតថាគាត់នឹងបន្តស្នាក់នៅ Anfield”៕
