គ្រូបង្វឹក Real Madrid លោក Zinedine Zidane បានអះអាងថា Club World Cup គឺជាពានសំខាន់របស់ Real Madrid ទោះបីជាជិតដល់ការប្រកួតក្នុងជំនួប El Clasico ជាមួយនឹង Barcelona។
ការចូលរួមលេងពាន FIFA Club World Cup នេះ Real Madrid ដែលជាម្ចាស់ជើងឯកអឺរ៉ុបនឹងត្រូវជួបក្រុម Al Jazira នៅថ្ងៃពុធនេះ ក្នុងវគ្គពាក់កណ្ដាលផ្ដាច់ព្រ័ត្រគឺមានន័យថាមុនការប្រកួតក្នុង El Clasico លើកទី១រយៈពេល១០ថ្ងៃប៉ុណ្ណោះ។
ទោះបីជាយ៉ាងនេះក្ដី! Zidane នៅតែយកចិត្តទុកដាក់លើក្រុមរបស់គាត់សម្រាប់ពាន Club World Cup ទោះបីជាកីឡាករដែលទទួលបានកាតក្រហម ក្នុងការប្រកួតពាននេះ អាចជាប់ពិន័យក្នុងការប្រកួតលីកក៏ដោយ។
🏟🌱⚽️ #RMCWC
Lights, camera……and action from today’s training session coming up!#HalaMadrid pic.twitter.com/3AWdm7kiOV
— Real Madrid C.F.🇬🇧 (@realmadriden) December 12, 2017
“ វាគឺជាការប្រកួតដែលក្រុមយើងត្រូវរៀបចំឲ្យល្អបំផុតដើម្បីឈ្នះ។វាមិនមែនជាការប្រកួតដែលងាយនោះទេ” គាត់និយាយក្នុងសន្និសីទកាសែតមុនការប្រកួតនៅយប់នេះ។
“ដំបូងយើងត្រូវតែធ្វើយ៉ាងណាឡើងទៅវគ្គផ្ដាច់ព្រ័ត្រសិនយើងគ្រាន់តែគិតពីការប្រកួតក្នុងClub World Cup ប៉ុណ្ណោះមិនមែនEl Clasico នោះទេ“៕
