យុទ្ធសាស្ត្ររបស់លោក Jose Mourinho ត្រូវបានលោក Henk ten Cate គ្រូបង្វឹកក្លឹបអេមីរ៉ាតអារ៉ាប់រួម Al Jazira ខ្ចីយកទៅប្រើជាមួយ Real Madrid ក្នុងការប្រកួត Club World Cup វគ្គពាក់កណ្ដាលផ្ដាច់ព្រ័ត្រនៅយប់នេះ។
ការឈ្នះក្រុម Aukland City របស់នូវែលហ្សេឡង់ និង Urawa Red Diamonds របស់ជប៉ុន បានធ្វើឲ្យក្រុមរបស់លោក ត្រូវមកជួបក្រុមម្ចាស់ជើងឯកអឺរ៉ុប Real Madrid ដែលជាក្លឹបធ្លាប់ត្រូវបានលោក Jose Mourinho ដឹកនាំកាលពីជិត១០ឆ្នាំមុន។ ហើយក្នុងការប្រកួត លោក Ten Cate បានគិតថាក្រុមរបស់លោក នឹងយកយុទ្ធលេងរបស់លោក Jose Mourinho មកទប់ទល់ជាមួយស្ដេចសក្នុងវគ្គពាក់កណ្ដាលផ្ដាច់ព្រ័ត្រនៅកីឡដ្ឋាន Zayed Sport City Stadium។
“ យើងត្រូវការឡានក្រុង៣ ហើយលោក Jose Mourinho ប្រហែលជាយកឡានក្រុង២ទៀតមកជួយទប់នៅពីមុខទី របស់យើង”គ្រូបង្វឹកសញ្ជាតិហូឡង់និយាយក្នុងសន្និសីទកាសែតកាលពីម្សិលមិញ។
“ ក្ដីសុបិនគឺ OK ប៉ុន្តែយើងនឹងល្ងង់នោះទេ អ្នកត្រូវតែទទួលស្គាល់ការពិត ហើយប្រសិនបើអ្នកទទួលស្គាល់ការពិត ឱកាសឈ្នះនឹងពិតជាមិនច្រើននោះទេ។ ភាពខុសគ្នានៃគុណភាពរបស់ក្រុមគឺធំខ្លាំងពេក ប៉ុន្តែពួកគេ (Real Madrid )នឹងប្រយុទ្ធដូចដែលពួកគេធ្វើកន្លងមក។ ពួកគេនឹងប្រយុទ្ធរហូតដល់ចប់”៕
