ព័ត៌មានដោះដូរកីឡាករក្នុងថ្ងៃនេះមានច្រើនករណី ប៉ុន្តែយើងសូមលើកយកព័ត៌មានជាប់ទាក់ទងទៅនឹងការទិញដូរកីឡាកររបស់ Man Utd ដែលកំពុងតែផ្សាយក្នុងគេហទំព័រល្បីៗក្នុងពិភពលោក។ ខណៈដែលបិសាចក្រហមកំពុងរៀបចំការដោះដូរកីឡាករដ៏ធំមួយសម្រាប់រដូវកាលក្រោយ ស្របពេល Jose Mourinho ជួយក្លឹបមួយនេះមានកៅអីលេង Champions League ផងនោះ គឺ៖
១- Man Utd បានបដិសេធសំណើរបស់ Real Madrid ដែលហ៊ានចំណាយលុយ៦០លានផោន ទិញយកកំពូលអ្នកចាំទីរបស់ខ្លួន Devid De Gea
តាមប្រភព Sky Sports News , Manchester United បានបដិសេធជាផ្លូវការ ក្នុងការលក់អ្នកចាំទីជនជាតិអេស្ប៉ាញ ឲ្យទៅ Real Madrid ក្រោយពេលក្លឹបយក្សមួយនេះទម្លាក់ទឹកប្រាក់៦០លានផោន។ កីឡាករជម្រើសជាតិអេស្ប៉ាញរូបនេះ មានព័ត៌មានជាប់ទាក់ទងក្នុងការផ្ទេរទៅលេងនៅកីឡដ្ឋាន Santiago Bernabeu ប៉ុន្តែ United បានបដិសេធលក់ឲ្យហើយថែមទាំងបាននិយាយថា ទោះបីជាក្លឹបមួយនេះ ចំណាយលុយច្រើនយ៉ាងណាក៏មិនលក់សោះឡើយ។
២-Mourinho លួចទាក់ទង Morata ជាសម្ងាត់
គ្រូបង្វឹកលោក Jose Mourinho បានទាក់ទងខ្សែប្រយុទ្ធ Alvaro Morata ជាសម្ងាត់ក្នុងលក្ខណៈផ្ទាល់ខ្លួន ដើម្បីពិភាក្សាក្នុងការផ្ទេរមកលេងនៅ Old Trafford។ AC Milan ចង់បានកីឡាករវ័យ២៤ឆ្នាទៅលេងនៅអ៊ីតាលីក្នុងតម្លៃខ្លួន៦០លានផោន ប៉ុន្តែ Mourinho បាននិយាយប្រាប់កីឡាករជម្រើសជាតិអេស្ប៉ាញថា Morata អាចក្លាយជាកីឡាករលេងដំណែងលេង៩ល្អបំផុតក្នុងពិភពលោកនៅ Manchester United។
