គ្រូបង្វឹកបិសាចក្រហមលោក Jose Mourinho ត្រូវបានគេចាត់ទុកថា ជាគ្រូបង្វឹកដែលទទួលបានភាពជោគជ័យជាងគេបំផុតក្នុងពេលបច្ចុប្បន្ន នាមជាគ្រូបង្វឹកមានសកម្មភាពភាពក្នុងការដឹកនាំ ដោយលោកបានលើកពានរង្វាន់ទី២៥ហើយក្នុងអាជីព។
មកដឹកនាំ Manchester United លោកលើកបានពានបីក្រោយឈ្នះពាន FA Community, EPL Cup និងពាន Europa League ក្រោយមកទទួលដំណែងជំនួសលោក Van Gaal។ ការឈ្នះពាន Europa League ធ្វើឲ្យពានដែលលោកទទួលបានឡើងដល់២៥ក្រោយ បាន៦ពានកាលដឹកនាំ Porto, ៨ពាន ជាមួយ Chelsea, ៣ពានជាមួយ Real Madrid និង៥ជាមួយក្លឹបអ៊ីតាលី Inter Milan។
អញ្ចឹងក៏ដោយចុះ! តែលោកនៅតែតាមពីក្រោយ អតីតគ្រូបង្វឹក Man Utd លោក Sir Alex Ferguson ដែលទទួលបានលើសគ្រូបង្វឹកសញ្ជាតិព័រទុយហ្គាល់២ដងឯណោះ។ មុនចូលនិវត្តន៍លោក ប្រមូលបានពាន១០កាលដឹកនាំ Aberdeen មុនពេលមកប្រមូលនៅ Man Utd ៣៨ពានទៀត។ ក្រៅពីនេះនៅមានគ្រូបង្វឹកផ្សេងទៀតដែលឈ្នះពានមិនចេះតិច។
ចង់ដឹងថាគ្រូបង្វឹករូបណាខ្លះសូមមើលខាងក្រោម៖
10- Bob Paisley (20ពាន)
09- Walter Smith (21ពាន)
08- Pep Guardiola ( 21ពាន)
07- Giovanni Trapattoni (22ពាន)
06- Jose Mourinho (25ពាន)
05- Jock Stein (26ពាន)
04- Ottmar Hitzfeld (28ពាន)
03- Valeriy Lobanovskyi (29ពាន)
02- Mircea Lucescu (32ពាន)
01-Sir Alex Fergson (48ពាន)
