សហព័ន្ធកត់ត្រាប្រវត្តិសាស្ត្រកីឡា និងស្ថិតិបាល់ទាត់អន្តរជាតិ (IFFHS)បានស្រាវជ្រាវរកឃើញថា Real Madrid គឺជាក្លឹបល្អជាងគេក្នុងឆ្នាំ២០១៧ ដោយតាមពីក្រោយក្រុម Gremio, Manchester United និង Barcelona។
ដើម្បីបែងចែកចំណាត់ថ្នាក់នេះបាន ស្ថាប័នខាងលើបានគិតទៅលេងកត្តាមួយចំនួនគឺ ការឈ្នះពាន ក្រេឌីតកីឡាករលេងក្នុងជម្រើសជាតិ ភាពល្បីៗរបស់កីឡាករក្នុងពិភពលោក ស្ថិតិឈ្នះ គ្រាប់បាល់សរុបប្រចាំឆ្នាំ និងគ្រាប់បាល់ដែលគេទាត់ចូល រួមទាំងចំណុចតូចជាច្រើនទៀតហើយគិតជាពិន្ទុសរុប។
Atletico Nacional ធ្លាប់ជាក្លឹបល្អបំផុតប្រចាំឆ្នាំ ២០១៦ បន្ទាប់ពីឈ្នះពាន Copa Libertares ប៉ុន្តែនៅឆ្នាំ២០១៧ ម្ចាស់ជើងឯក La liga និង Champions League Real Madrid បានឡើងឈរលេខមួយ ហើយក៏ជាលើកទីបួនផងដែរតាំងពីដើមរៀងមក។
Gremio ឈរលេខ២ដោយសារលើកពាន Champions League ទ្វីបអាមេរិកខាងត្បូងដែលគេហៅថា Libertadores ក្នុងឆ្នាំ២០១៧ ខណៈ Manchester United ដែលឡើងឈរលេខ៣ក្រោយឈ្នះពាន Europa League ។ ខាងក្រោមជាងក្រុមល្អបំផុតទាំង១០៖
១០- Salzburg (អូទ្រីស)ពិន្ទុ៖២៤០,៥
០៩-Manchester City (អង់គ្លេស)២៤៤ពិន្ទុ
០៨-Bayern Munich (អាល្លឺម៉ង់)២៥០ពិន្ទុ
០៧-Juventus (អ៊ីតាលី)ពិន្ទុ២៥៤
០៦-Flamengo (ប្រេស៊ីល)២៥៦ពិន្ទុ
០៥- Paris Saint-Germain(បារាំង)២៦៦ពិន្ទុ)
០៤- FC Barcelona (អេស្ប៉ាញ)ពិន្ទុ២៦៩
០៣- Manchester United (អង់គ្លេស)២៨៤ពិន្ទុ)
០២- Gremio (ប្រេស៊ីល)២៨៦ពិន្ទុ
០១- Real Madrid C. F(អេស្ប៉ាញ)៣២៨ពិន្ទុ។
