Manchester United ត្រូវបានគេរកឃើញថា ជាក្លឹបរកចំណូលច្រើនជាងក្លឹបណាៗទាំងអស់ក្នុងតំបន់អឺរ៉ុប អំឡុងឆ្នាំ២០១៦-២០១៧ បើតាមប្រភពសិក្សាលម្អិតរបស់សហព័ន្ធបាល់ទាត់ទ្វីបអឺរ៉ុប UEFA។
ក្លឹបយក្ស Premier League មួយនេះ រកចំណូលពីការលក់សំបុត្រចូលមើលច្រើនជាងគេគូរប្រជែង Man City ។ មិនត្រឹមតែក្លឹបមួយនេះ បិសាចក្រហមរកលុយបានទីលានលើសក្លឹប Barcelona និង Real Madrid ដែលគេល្បីថារកលុយពីលក់សំបុត្រច្រើនជាងគេនៅ La liga។
អញ្ចឹងក៏ដោយ ហិរញ្ញវត្ថុរបស់ United ក៏ត្រូវគេដឹងដែរថាគឺជាក្លឹបដែលមានបំណុលច្រើនជាងគេក្នុងទ្វីបអឺរ៉ុប ខណៈក្លឹបMan Cityជាប់ចំណាត់បន្ទាប់។ ក្រៅពី Man City ក្លឹបជំពាក់បំណុលគេច្រើនជាងក្នុងនោះក៏មាន Real Madrid , Barcelona…ជាដើម។
ខាងក្រោមជាសេចក្ដីលម្អិត៖
-ម្ចាស់ជើងឯកទ្វីបអឺរ៉ុប៣សម័យកាល(Man Utd) ឈរកំពូលតារាងរកបានពីការលក់អាវ(ឈុតកីឡា)និងសំបុត្រចូលមើលការប្រកួតគិតជាសរុប៦៨៩លានអឺរ៉ូ កើនឡើង១៦៩លានអឺរ៉ូគិតកាលពីឆ្នាំ២០១៥។
-ក្លឹបយក្សមានមូលដ្ឋាននៅ Catalan Barcelona ឈរលេខ២ សរុបលុយ៦២០លានអឺរ៉ូស្មើជាមួយគូរប្រជែង Clasico, Real Madrid ។
-Bayern Munich, PSG, Manchester City ក្រុមទាំងបីនេះរកបាន៥០០លានអឺរ៉ូ។
-ប៉ុន្តែ Arsenal គឺជាក្លឹបមួយដែលរកលុយបានពីលក់សំបុត្រតាមច្រកទ្វារដោយផ្ទាល់ច្រើនជាងគេគឺ១៣៥លានអឺរ៉ូ Real Madrid ១៣២លានអឺរ៉ូ និង United ១៣១លានអឺរ៉ូ។
បំណុល៖ បិសាចក្រហមមានបំណុល៥៦១លានអឺរ៉ូ គឺច្រើនជាងក្លឹបណាៗទាំងអស់ក្នុងទ្វីបអឺរ៉ុប គឺស្មើនឹង៣ភាគរយនៃចំនួនដែលក្លឹបក្នុង Premier League ទាំងអស់ជំពាក់គេ(១.៥២៥ពាន់លានអឺរ៉ូ)។ ក្លឹបធំៗនៅអឺរ៉ុបជំពាក់គេគិតជាមធ្យមគឺ៧៦.៣លានអឺរ៉ូដែលចំនួននេះច្រើនជាងក្របខណ្ឌដទៃទៀតគឺនៅលើក្របខ័ណ្ឌ Serie A (៦៣.៦លានអឺរ៉ូ) និង Turkish Super League (៣៨លានអឺរ៉ូ)៕
