Alexis Sanchez បានសម្រេចលែងចង់ទៅចូលរួមជាមួយ Man City ហើយប្ដូរចិត្តមកលេងនៅក្លឹបគូរប្រជែងរួមទីក្រុងគឺManchester United វិញដោយសារខ្លាចមិនសូវបានលេងច្រើននៅកីឡដ្ឋាន Etihad ។
កីឡាករជម្រើសជាតិឈីលី ហាក់ដូចជាមានទំនាក់ទំនងល្អជាមួយលោក Pep Guardiola ដែលធ្លាប់ធ្វើការជាមួយគ្នានៅBarcelona ប៉ុន្តែពេលនេះរូបគេនឹងកំណត់ខ្លួនឯងទៅលេងនៅក្រុមការដឹកនាំរបស់លោក Jose Mourinho វិញបើសម្រេចចិត្តចេញពី Arsenal ហើយនោះ។
ប្រភពចេញពីអ្នកវិភាគមួយចំនួនបានឲ្យដឹងថា ទោះបីកីឡាករវ័យ២៩ឆ្នាំពិតជាចង់ទៅធ្វើការជាមួយលោក Guardiola ម្ដងទៀតក៏ដោយក៏គាត់បានត្រៀមខ្លួនជាស្រេចអំពីការផ្លាស់ប្ដូរកីឡាករឲ្យចូលលេងក្រោមការដឹកនាំរបស់គ្រូបង្វឹកសញ្ជាតិអេស្ប៉ាញដែលធ្លាប់ធ្វើក្នុងតំបន់ប្រយុទ្ធ។
Sanchez ជឿថារូបគេនឹងក្លាយជាកីឡាករសំខាន់ក្នុងតំបន់ប្រយុទ្ធរបស់ Manchester United ក្រោមការដឹកនាំរបស់លោក Jose Mourinho នៅ Old Trafford ។ក្រុមមេឃខៀវមាន Sergio Aguero, Gabriel Jesus, Leroy Sane, Reheem Sterling ក្នុងតំបន់ប្រយុទ្ធហើយ Sanchez ខ្លាចថាត្រូវបង្ខំចិត្តចំណាយពេលអង្គុយកៅអីបម្រុងក្រោមការបញ្ជារបស់ Pep។
ក្បួនលេង និងផលប្រយោជន៍របស់ Sanchezនៅលើទីលាន នឹងអាចឲ្យគេលេងបានជាប់លាប់ ក្រោមការដឹកនាំរបស់លោក Jose ខណៈដែល United មិនសូវបានខ្សែប្រយុទ្ធស្មើជើងគ្នានោះ។ កីឡាករជម្រើសជាតិឈីលី ពិតជាចង់លេងគ្រប់ការប្រកួតនៅ Arsenal ហើយទោះបីអង្គុយកៅអីបម្រុងខ្លះក៏មិនជាបញ្ហាដែរ តែស្ថានភាពរបស់ក្រុមមួយនេះកំពុងតែពិបាកខ្លាំង។
ប៉ុន្តែការអង្គុយកៅអីបម្រុងនៅ Man City បូករួមជាមួយនឹងការចូលលេងពេញលេញនៅ Man Utd ព្រមទាំងប្រាក់ឈ្នួលខ្ពស់ទៀតនោះ កីឡដ្ឋាន Old Trafford គឺជាទ្រនំដ៏ល្អសម្រាប់ Sanchez ហើយ៕
