វេបសាយងអាណាចក្រកីឡា៖ សូមសង្ខេបព័ត៌មានដោះដូរកីឡាកររបស់ក្រុមបិសាចក្រហម Manchester United ដែលកំពុងតែល្បីនៅប៉ុន្មានថ្ងៃមកនេះ ខណៈព័ត៌មាននេះ មានទាំងការចាកចេញនិងទិញចូលរបស់កីឡាករក្លឹបបិសាចក្រហមទាំងអស់។
1- Arsenal ចង់បាន Martial មកជំនួស Alexis Sanchez
ក្រុមកាំភ្លើងធំ Arsenal កំពុងសម្លឹងរក Anthony Martial មកជំនួស Alexis Sanchez នេះបើតាមប្រភព Mirror។ កីឡាករវ័យ២១ឆ្នាំត្រូវបានលោក Jose ប្រើប្រាស់ជាកីឡាករបម្រុងប្ដូរចូល ហើយកម្របានលេងក្នុងឈុត១១នាក់ដំបូងណាស់ នៅរដូវកាលនេះ ហើយលោក Arsene Wenger ឃើញថារូបគេជាកីឡាករសាកសមបំផុត មកជំនួសកីឡាករឈីលីដែលនៅសល់កុងត្រាមួយរដូវកាល ហើយចង់ចាកចេញនៅខែមករាខាងមុខ។
2- Manchester United សម្លឹងឃើញកូនប្រុសរបស់អតីតកីឡាកររបស់ខ្លួន
កូនប្រុសរបស់ Phil Nevill វ័យ១៥ឆ្នាំឈ្នះ Harvey បានទាក់ទាញចំណាប់អារម្មណ៍ក្រុមបិសាចក្រហម Manchester United ហើយក្លឹបកំពុងពិភាក្សាចែចូវមក Old Trafford ដើម្បីដើរតាមគន្លងឪពុករបស់ខ្លួន ។ ត្រឹមវ័យជំទង់រូបគេត្រូវបានប្រដូចទៅនឹង David Beckham ជាមួយនឹងទម្រង់លេងក្នុងក្រុមយុវជនថ្នាលរបស់ Valencia។
3- ត្រកូល Manchester ទាំងពីរកំពុងតាមកីឡាកររបស់ក្លឹប New York City FC ម្នាក់
ក្រុមManchester United និងCity កំពុងតាមមិនដាក់ភ្នែកទៅលើកីឡាករ Jack Harrison របស់ក្លឹប New York City FC នេះបើតាមប្រភព The Sun ។ ខណៈពេលដែលកីឡាករវ័យ២០ឆ្នាំរូបនេះ ជាផ្នែកមួយនៃក្រុមយុវជនរបស់ Man Utd ប៉ុន្តែខាង City ក៏ចង់បានដែរដោយសារក្លឹបមួយនេះមានទំនាក់ទំនងល្អជាមួយក្លឹបនៅលីក MLSរបស់អាមេរិក ។
4- តោខៀវនិងបិសាចក្រហមប្រជែងគ្នាយកកីឡាករវ័យក្មេងម្នាក់ពីក្រុមតោក្រហម Middlesbrough
Chelsea និង Manchester United កំពុងដាក់ដេញថ្លៃយកខ្សែការពារវ័យក្មេងរបស់ Middlesbrough កីឡាករ Darl Fry នេះបើតាមប្រភព Teamtalk។ Fry បានអភិវឌ្ឍន៍ខ្លួនឯងឲ្យបានចូលេងក្នុងជម្រើសដំបូងរបស់ក្លឹបលេងនៅក្របខណ្ឌ Championship នៅរដូវកាលនេះ ហើយរូបគេបានទាក់ទាញចំណាប់អារម្មណ៍ក្លឹបឈរកំពូលតារាងទាំង៥នៅ Premier League តែ Man Utd និង Chelsea ប្រជែងខ្លាំងជាងគេ។
