គ្រូបង្វឹក Manchester United លោក Jose Mourinho សង្ឃឹមថានឹងដាក់ឲ្យ Alexis Sanchez លេងក្នុងតំណែងខ្សែប្រយុទ្ធស្លាបស្ដាំក្នុងដំណែងប្រយុទ្ធទាំងបីដោយមាន Romelu Lukaku ប្រយុទ្ធកណ្ដាល និង Anthony Martial ខ្សែប្រយុទ្ធស្លាបឆ្វេង។
ក្លឹបមានមូលដ្ឋាននៅទីក្រុង Manchester សង្ឃឹមថានឹងទទួលជោគជ័យក្នុងការផ្ទេរយកខ្សែប្រយុទ្ធជម្រើសជាតិស៊ីលីរូបនេះ ទោះបីជាត្រូវអស់ Henrikh Mkhitaryan ប៉ុន្តែកីឡាករនាំលេងសញ្ជាតិអាមិននៀ មិនទាន់សម្រេចចិត្តចេញទៅកាន់កីឡដ្ឋាន Emiratesនៅឡើយ។
ផ្នែកមួយនៃការសម្រេចចិត្តរបស់ Sanchez ជ្រើសយក United ទុកចោល Man City គឺជាឱកាសល្អសម្រាប់គាត់ ប៉ុន្តែលោក Jose Mourinho មានគម្រោងប្រើប្រាស់គាត់ក្នុងដំណែងខុសពីអ្វីដែលគាត់ធ្លាប់លេងនៅ Arsenal។ Sanchez លេងក្នុងដំណែងខ្សែប្រយុទ្ធស្លាបឆ្វេង ក្នុងតំបន់ប្រយុទ្ធទាំងបីនៅក្រុមកាំភ្លើងធំ ប៉ុន្តែនៅ Man Utd កន្លែងនេះ Anthony Martial ស៊ីដាច់មុខហើយ ខណៈដែល Romelu Lukaku ខ្សែប្រយុទ្ធលេខ៩ដែលត្រូវឈរកណ្ដាល។
តាមប្រភព Mirror លោក Jose Mourinho នឹងដាក់ឲ្យអតីតខ្សែប្រយុទ្ធ Barcelona រូបនេះលេងក្នុងដំណែងប្រយុទ្ធស្លាបស្ដាំដែលជាកន្លែង Juan Mata កំពុងលេងតែបើតាមនេះពិតមែន កីឡាករអេស្ប៉ាញនឹងទុកតំណែងនេះ ឲ្យខ្សែប្រយុទ្ធស៊ីលី។
កាលលេងនៅ Barcelona, Sanchez លេងក្នុងដំណែងប្រយុទ្ធស្ដាំ ប៉ុន្តែការផ្លាស់ប្ដូរភ្លាមៗ ដែលនឹងអាចត្រូវប្រើប្រាស់សម្រាប់ Sanchez ដែលនឹងត្រូវមកលេងនៅ Man Utd ក្នុងប៉ុន្មានថ្ងៃខាងមុខ។ បិសាចក្រហមបានយល់ព្រមលក្ខខណ្ឌផ្ទាល់ខ្លួន ជាមួយ Sanchez ហើយផ្ដល់អត្ថប្រយោជន៍ឲ្យកីឡាករម្នាក់នេះមានប្រាក់ឈ្នួលខ្ពស់ជាងគេក្នុង Premier League គឺ៣៥ម៉ឺនផោនក្នុងមួយសប្ដាហ៍។
អញ្ចឹងក៏ដោយ! លោក Mino Raiola ភ្នាក់ងាររបស់ Mkhi បានព្រមានកាលពីម្សិលមិញថាការផ្ទេរយក Alexis Sanchez អាចនឹងបរាជ័យបើកីឡាកររូបនេះមិនសម្រេចចិត្តទៅលេងនៅ Arsenal៕
