Liverpool ខិត​ជិត​សម្រេច​កិច្ច​ព្រម​ព្រៀង​តម្លៃ​៤៩​លាន​ផោន​ក្នុង​ការ​នាំ​យក​ Riyad Mahrez ពី​ Leicerster City នេះ​បើ​តាម​ប្រភព ​Metro។

កាល​ពី​ថ្ងៃ​សៅរ៍​នេះ​ Liverpoo lនិង​ Barcelona​បាន​ធ្វើ​កិច្ច​ព្រមព្រៀង​នាំ​យក ​Coutinho ទៅ​អេស្ប៉ាញ​ក្នុង​តម្លៃ​១៤២​លាន​ផោន​ក្រោយ​ចរចា​អស់​ជា​ច្រើន​លើក។ ប៉ុន្តែ​ក្រោយ​បាត់​បង់​ ខ្សែ​បម្រើ​ប្រេស៊ីល​​ តាម​ប្រភព​ beIN Sport បាន​បញ្ជាក់​ថា​ Liverpool ពេល​នេះ​កំពុង​ដំណើរ​ការ​នៃ​ការ​ចុះ​កុង​ត្រា​យក ​Mahrez ហើយ​ក្លឹប​នឹង​ចំណាយ​លុយ​៥៥លាន​អឺរ៉ូ​(៤៩​លាន​ផោន)​សម្រាប់​តម្លៃ​ខ្លួន​កីឡាករ​ជម្រើស​ជាតិ​អាល់ហ្សេរី។​

ប្រភព​ដដែល​បន្ត​ថា​កីឡាករ​វ័យ​២៦​ឆ្នាំ​បាន​មក​ពិនិត្យ​សុខភាព​ជាមួយ​ Liverpool ហើយ​លោក ​Jurgen Klopp បាន​យល់​ព្រម​ផ្ដល់​កុង​ត្រា​៤​ឆ្នាំ​កន្លះ​ទៀត​ផង។ ក្លឹប​មួយ​ចំនួន​ដែល​ចង់​បាន​ខ្សែ​បម្រើ​ស្លាប​រូប​នេះ​គឺ​ Chelsea, Arsenal, ហើយ​ខាង​Leicester City ក៏​មិន​ឃាត់ឃាំង​អី​ដែរ​ ឲ្យ​តែ​តម្លៃ​អាច​ទទួល​យក​បាន​ ខណៈ​ក្លឹប​កញ្ជ្រោង​មួយ​នេះ​បាន​បដិសេធ​ជាមួយ​Roma ម្ដង​ហើយ​ដោយ​ដេញ​ថ្លៃ ​Mahrez ៣៥​លាន​ផោន​តែ​ក្លឹប​អត់​លក់។

ខ្សែ​ប្រយុទ្ធ​ជម្រើស​ជាតិ​អាល់ហ្សេរី​រូប​នេះ​គឺ​ជា​ Star របស់​ក្រុម​ Leicester City ដែល​ធ្លាប់​ជួយ​ក្លឹប​លើក​ពាន​កាល​ពី​២​ឆ្នាំ​មុន​ហើយ​រដូវ​កាល​នេះ រូប​គេ​រក​បាន​៧​គ្រាប់​ និង​បញ្ជូន​បាល់​បាល់​បាន​៧​ដង​ក្នុង​ការ​ចូល​លេង​​២២​ដង​ឲ្យ​ក្លឹប​៕