Casemiro ជាកីឡាករសំខាន់ក្នុងតំបន់បម្រើការពាររបស់ Real Madrid ក្នុងរយៈកាល២រដូវកាលចុងក្រោយត្រូវបានទទួលការសរសើរពីសំណាក់គ្រូបង្វឹក Juventus រួចម្ដងមកហើយមុនជួបគ្នាក្នុងវគ្គផ្ដាច់ព្រ័ត្រ Champions League។
មកដល់ពេលនេះខ្សែបម្រើ Barcelona កីឡាករ Sergio Busquets បានបានបង្ហាញការពេញចិត្តខ្សែបម្រើជម្រើសជាតិប្រេស៊ីលរូបនេះ ហើយចាត់ទុករូបគេជាខ្សែបម្រើលំដាប់ពិភពលោកម្នាក់។
“មានខ្សែបម្រើច្រើននាក់ក្នុងពិភពលោក ហើយមានទេពកោសល្យ និងស្តាយ៍លេងពិសេសរៀងៗខ្លួន។ គ្មានកីឡាករ២រូបណាល្អដូចគ្នានោះទេ ប៉ុន្តែក្នុងគំនិតខ្ញុំ ខ្ញុំផ្ដោតទៅលើ Casemiro ដែលធ្វើបានល្អបំផុតនាពេលកន្លងមក” Busquets និយាយក្នុងបទសម្ភាសន៍មួយនៅកាតារ។
“ Bruno មានរដូវកាលដ៏ល្អនៅ Villarreal ស្របពេល N’Golo Kante ពិតជាអស្ចារ្យជាមួយ Nemanja Martic នៅ Chelsea, ហើយនៅមាន Ander Herreraទៀត”ខ្សែបម្រើអេស្ប៉ាញបានបន្ត៕
ប្រភពៈ MARCA
