ក្រុមចាយលុយធំបារាំង Paris Saint-Germain បានដាក់សំណើប្រាក់បៀវត្សរ៍ទៅកាន់ Gianluigi Buffon ដើម្បីឲ្យរូបគេផ្ទេរមកកាន់ទឹកដីទីក្រុងប៉ារីស ពេលដែលចាកចេញពី Juventus។
កាលពីម្សិលមិញ Buffon បានចូលលេងជាមួយ Juventus ក្នុងថ្ងៃចុងក្រោយពេលប៉ះជាមួយ Hellas Verona ក្រោយចំណាយពេល១៧ឆ្នាំនៅទីទីក្រុង Turin។ PSG បានបោះមួយជំហាន ក្នុងការនាំឲ្យកីឡាករវ័យ៤០នេះមកកាន់ Ligue 1 ដោយផ្ដល់ថ្លៃនឿយហត់៨លានអឺរ៉ូក្នុងមួយឆ្នាំ ដោយតម្លៃនេះច្រើនជាងថ្លៃឈ្នួលរបស់ Buffon គុណនឹង២នៅ Juvenus។
គួររំលឹកថា អ្នកចាប់បាល់វ័យ៤០ឆ្នាំបានផ្លាស់ប្ដូរគំនិតនៃការចូលនិវត្តន៍កាល១៥ថ្ងៃមុន ហើយបានទទួលសំណើការងារនៅក្រៅទីលាន។ សមាជិក World Cup អ៊ីតាលី ២០០៦ ប្រាប់ថា សប្ដាហ៍ក្រោយគេនឹងបញ្ជាក់ពីសេចក្ដីសម្រេចចិត្ត ពោលគឺ២ទៅ៣ថ្ងៃ បន្ទាប់ពីលើកពានលីគកំពូលជាមួយក្រុមរហស្សនាមសេះបង្កង់។
ក្រោយបង្ហាញខ្លួនជាង១ពាន់ប្រកួតជាមួយក្រុមរហស្សនាមសេះបង្កង់ កីឡាករវ័យ៤០ឆ្នាំនឹងលេងប្រកួតចុងក្រោយនៅក្របខ័ណ្ឌកំពូលអ៊ីតាលី បន្ទាប់ពីជួយ Juventus លើកពាន Serie A ៧រដូវកាលជាប់គ្នា និងឈ្នះពាន Coppa Italia ៤រដូវកាលចុងក្រោយ។
