ក្រុម Real Madridបានបង្ហាញភាពខ្លាំងរបស់ខ្លួនក្នុងការប្រកួត Champion Leagu eកាលពីយប់មិញ បន្ទាប់ពីបានវាយបកយកឈ្នះក្រុមអ្នកមានបារាំង PSG បន្ទាប់ពីត្រូវគេនាំមុខ១គ្រាប់មុន រហូតស៊ុត៣គ្រាប់យកជ័យជម្នះត្រឡប់មកវិញ។
ពួកគេបានបង្ហាញថា ពួកគេមិនងាយនិងត្រូវក្រុមដទៃទម្លាក់ចេញពីការប្រកួតប្រជែងដណ្ដើមពានដ៏ធំជាងគេរបស់ទ្វីបអឺរ៉ុបនេះទេ ហើយគូប្រជែងរបស់គេនិងត្រូវត្រលប់ទៅផ្ទះវិញ។ ក្រុមស្ដេចសជាក្រុមដែលបានឈ្នះពាននេះច្រើនជាងគេរហូត ដល់១២ដង ហើយក្នុងនោះពានចំនួន៦ត្រូវបានឈ្នះតាំងពីមុនពេលដែលក្រុម PSGត្រូវបានបង្កើតឡើងទៅទៀត។
ទោះបីជារដូវកាលនេះ ក្រុមរបស់លោក Zidane ហាក់ដូចជាចុះខ្សោយជាខ្លាំង ដោយបានធ្លាក់ចេញពីពាន Copa del Rey ហើយក្នុងលីគ La Liga កំពុងតែស្ថិតនៅលេខរៀងទី៤ប្រឈមនិងការធ្លាក់ទៅលេង Europa Leagueនៅរដូវកាលក្រោយ ប៉ុន្តែពួកគេនៅតែអាចធ្វើបានយ៉ាងល្អ ក្នុងពាន Champion Leagueដែលជាពានប្រចាំត្រកូលរបស់ពួកគេ បន្ទាប់ពីជ័យជម្នះដ៏ធំកាលពីយប់មិញលើក្រុមPSGដែលសំបូរទៅដោយកីឡាករល្អៗជាច្រើន ដូចជា Neymar និង Mbappe ដែលធ្វើឲ្យក្ដីសង្ឃឹមលើកពាន UCLជាលើកទី១៣នៅតែបន្តមាន។
គ្រូបង្វឹកក្រុម PSGលោក Unai Emery បាននិយាយក្រោយចប់ការប្រកួតថា៖” ពួកយើងត្រូវតែមានសុទិដ្ឋិនិយម
ក្នុងការប្រកួតជើងទី២ ហើយត្រូវលេងឲ្យបានល្អដូចថ្ងៃនេះ ព្រោះពួកយើងបានបង្កើតឳកាសជាច្រើនដង។” ចំណែកប្រធានក្រុម Sergio Ramos បាននិយាយថា អ្នកមិនអាចគិតថាក្រុម Real Madridបានស្លាប់ទៅហើយនោះទេ។
តាមរយៈបទពិសោធន៍ដែលគេបានឃើញជាច្រើនដងរួចមកហើយគេជឿថា ក្រុម PSGមានភាពផុយស្រួយ ហើយតែង
ប្រឈមទៅនិងការជ្រុះចេញជារឿយៗ ចំណែក Real Madrid ពួកគេបានសម្លឹងឃើញកៅអីវគ្គ៨ក្រុមចុងក្រោយរួចបាត់ទៅហើយ៕
ប្រភព : Goal.com
អត្ថបទ៖ ម៉េងគា
