អតីតប្រធានក្រុម Manchester United កីឡាករ Wayne Rooney ជឿថាតារា Super Star របស់ក្លឹបមានខ្នាយមាស Tottenham កីឡាករ Harry Kane គួរតែចេញពីហើយបើក្លឹបមិនអាចឈ្នះពានទេនោះ។
Kane មានទំនាក់ទំនងផ្ទេរទៅ Real Madrid ក្រោយរូបអភិវឌ្ឍន៍ខ្លួនក្លាយជាខ្សែប្រយុទ្ធកណ្ដាលល្អបំផុតម្នាក់ នៅអឺរ៉ុបដោយបានឈ្នះស្បែកជើងមាស Premier League ម្ដងហើយម្ដងទៀត។ ក្នុងរដូវកាលនេះរូបគេរកបាន២២គ្រាប់ ក្រោយស៊ុតបញ្ចូលទីបង្គ្រប់កិច្ច១០០គ្រាប់ក្នុងការប្រកួតជាមួយ Liverpool ដែលស្មើគ្នា២-២។
មាន់ខ្នាយមាសកំពុងឈរលេខ៥ក្នុងតារាងដែលជាចំណុចមួយមិនអាចលេង Champions League រដូវកាលក្រោយខណៈរដូវកាលមុនបញ្ចប់ដំណែងលេខ២ប៉ុន្តែយ៉ាងណាRooney ដែលជាសិស្សច្បងមានព្រមានថា Kane ត្រូវការលើកទឹកចិត្តដោយការឈ្នះពានពីទម្រង់លេងពូកែរកគ្រាប់បាល់របស់ខ្លួន។
“ ឥឡូវនេះគាត់ជាខ្សែប្រយុទ្ធល្អបំផុតក្នុងតំបន់អឺរ៉ុប គាត់ចង់ទៅណាក៏បានស្រេចតែគាត់។ គាត់ល្អណាស់។ គាត់ដូចជា Alan Shearer កាលពីនៅក្មេងអញ្ចឹង គាត់រកបានគ្រាប់បាល់ គ្រប់ៗសណ្ឋាន” កីឡាករវ័យចាស់និយាយក្នុងទូរទស្សន៍Sky Sport។
“ បញ្ហាដែល Tottenham កំពុងមានគឺការការជំរុញទឹកចិត្ត ក្នុងការរកគ្រាប់បាល់បានច្រើន ប៉ុន្តែរូបគេត្រូវតែប្ដូរពីការជំរុញទឹកចិត្តពីគ្រាប់បាល់ មកជាការលើកពានវិញ។ ហើយបើ Spurs មិនឈ្នះពាននៅរដូវកាលក្រោយទេ ឬក៏២ឆ្នាំទៀត គាត់នឹងចង់ប្ដូររកកន្លែងដែលគាត់អាចឈ្នះពាន”។
“ នោះគឺជាការសម្រេចចិត្តដែលត្រូវតែធ្វើសម្រាប់២ឆ្នាំទៅមុខទៀត ប៉ុន្តែ Spurs ក៏ត្រូវសម្រេចចិត្តដែរ គឺនាំចូលកីឡាករឲ្យបានច្រើន ល្អៗ ហើយធ្វើយ៉ាងណាដើម្បីឈ្នះពាន Premier League។ រកគ្រាប់បាល់បានច្រើនវាអស្ចារ្យហើយ ហើយពួកគេនឹងនាំអ្នកឆ្ពោះទៅរកកម្រិតជាក់លាក់មួយ ប៉ុន្តែកីឡាករកំពូលៗត្រូវចងចាំថា ពានដែលអ្នកឈ្នះនឹងនាំអ្នកទៅកាន់កម្រិតមួយផ្សេងទៀត”
WATCH: “His motivation is going to change from goals to trophies.”
Wayne Rooney warns Tottenham could lose Harry Kane if they don’t match his ambition soon.
See Rooney on MNF on Sky Sports PL now or follow what he says here: https://t.co/U9av7f4CWv pic.twitter.com/yr4UMJmrmx
— Sky Sports MNF (@SkySportsMNF) February 5, 2018
“ ខ្ញុំគិតថាប្រសិនបើ Harry Kane នៅក្នុងក្រុម Man City ហើយនឹងឈ្នះពាន Premier League រដូវកាលនេះ មនុស្សនឹងនិយាយពី Cristiano Ronaldo, Lionel Messi និង Harry Kane”៕
