Adnan Januzaj ត្រូវបានគេដឹងថាបឹងត្រូវចាកចេញពី Man Utd ហើយក្នុងរដូវក្ដៅនេះហើយ ក្លឹបដែលចង់បានរូបគេទៅលេងខ្លាំងនោះគឺក្លឹប Celtic របស់ស្កុតឡែន។
ខ្សែបម្រើស្លាបរបស់បែលហ្សិករូបនេះ ធ្លាប់ត្រូវបានគេរំពឹងថាជាកីឡាករវ័យក្មេងអាចក្លាយជាកំពូល Super Star អស់រយៈពេលជាច្រើនឆ្នាំមកហើយ ។ក្លឹបនៅតែរងចាំមើលថ្វីជើងដែលអាចក្លាយជាកីឡាករលំដាប់ World Class ប៉ុន្តែការរំពឹងទុកនេះមិនបានសម្រេចឡើយ។
រូបគេបានចំណាយពេលមួយរដូវកាលលេងក្នុងលក្ខខ័ណ្ឌខ្ចីជើងនៅ Sunderland ប៉ុន្តែបន្ទាប់ពីក្រុមរបស់លោក Devid Moyes ត្រូវបានកាត់ចេញពី Premier League ហើយរូបគេក៏គ្មានបំណងចាកត្រឡប់មកវិញដែរ។ ដូច្នេះក្លឹបជើងឯកស្កុតឡែន Celtic ចាប់អារម្មណ៍ចង់បាន និងស៊ីញេកុងត្រាយកក្នុងរដូវកាលថ្មីជិតឈានមកដល់នេះតែម្ដង។
ក្រៅពីក្លឹបខាងលើ Leicester City, Leeds United និង Aston Villa ក៏បានបង្ហាញចំណាប់អារម្មណ៍ចង់បានដែរ ខណៈក្លឹបអេស្ប៉ាញ Real Sociedad ជឿថាពួកគេអាចប្រជែងយកបានតែយ៉ាងណា Celtic ស្ថិតក្នុងការនាំមុខគេលើរឿងនេះ៕
