របួសរបស់ Gateth Bale ម្ដងហើយម្ដងទៀត កំពុងតែបង្អាក់ទម្រង់លេងរបស់ Real Madrid ហើយក្រុមជើងឯក La liga រដូវកាលមុនមួយនេះ កំពុងតែស្វែងរកជម្រើសមកជំនួសកីឡាករសញ្ជាតិវែលក្នុងរដូវក្ដៅហ្នឹងតែម្ដង។
ខណៈពេលដែលលោក Jose Mourinho នៅតែមានការចាប់អារម្មណ៍ចំពោះ Bale ក្នុងការនាំយកមកលេងនៅ Man Utd, Zidane បានរកឃើញជម្រើសល្អរួចទៅហើយៗ ពួកគេនឹងនាំយកកីឡាករយ៉ាងហោចណាស់ម្នាក់ក្នុងចំណោមខាងក្រោមនេះមកជំនួស Bale។
កាសែតអេស្ប៉ាញ AS បានបង្ហាញថាកីឡាករខាងក្រោមជាជម្រើសរបស់ Zidane ខណៈពេលបច្ចុប្បន្នអាជីពរបស់ Gareth Bale កាន់តែស្ថិតក្នុងគ្រោះថ្នាក់។ចង់ដឹងនរណាខ្លះ មើលខាងក្រោម៖
Eden Hazard (Chelsea)
កាលពីថ្មីៗនេះHazard បាននិយាយថា រូបគេមានក្ដីសុបិន្តចង់លេងក្រោមការដឹកនាំរបស់ Zidane ប៉ុន្តែដោយសារកុងត្រានៅChelsea ផុតកំណត់ឆ្នាំ ២០២០រូបគេមានទំនាក់ទំនងជាមួយនឹងផ្ទេរមក Real Madrid។
Harry Kane (Tottenham)
បើនិយាយពីកីឡាកររូបនេះ ជាប់ទាក់ទងក្នុងការផ្ទេទៅលេងនៅអេស្ប៉ាញមានជាហូរហែរ ហើយកីឡាករកំពុងឡើង Formម្នាក់នេះអាចមានតម្លៃ២០០លានអឺរ៉ូ ។ បើ Real Madrid ចង់មែនតម្លៃប៉ុណ្ណោះ មិនអាចបង្អាក់លោក Florentino Perez បើកធនាគារទិញយកនោះទេ។
Robert Lewandowski (Bayern Munich)
រូបជាខ្សែប្រយុទ្ធកណ្ដាលដូច Benzema ដែរ ហើយរូបគេមានទំនាក់ទំនងផ្ទេរមក Bernabeu យូរហូហែរហើយដែរ។ វ័យ២៩ឆ្នាំហាក់ពិបាកបន្តិចសម្រាប់ប្រធានក្រុមជម្រើសជាតិប៉ូឡូញ ក្នុងការចង់មកលេងនៅអេស្ប៉ាញ ប៉ុន្តែរូបគេក៏ស្ថិតក្នុងបញ្ជីឈ្មោះជំនួស Bale ដែរ។
Dele Alli (Tottenham)
នរណាៗក៏គេដឹងដែរថា លោក Daniel Levy ប្រធានក្លឹប Spurs ជាមនុស្សពិបាកនិយាយ និងចចារគ្នាបំផុត ក្នុងការទិញកីឡាករកាលពីដំបូងៗមានដូចជា៖ Modric, Baleហើយលោក Perez ក៏ដឹងច្បាស់ដែរ។ Dele Alli នឹងខុសពីកីឡាករខាងលើ។ កីឡាករជម្រើសជាតិអង់គ្លេសរូបនេះ បានទាត់បញ្ជូលទីក្រុម Real នៅ Wembley ហើយនេះច្បាស់ណាស់ថា Real Madrid ពិតជាចង់បាន ខណៈកីឡាករផ្ទាល់មិនបានបន្តកុងត្រាថ្មីជាមួយក្លឹបនៅឡើយទេ។
Neymar Jr (PSG)
ខ្សែប្រយុទ្ធម្នាក់នេះ អាចនិយាយបានថាលើសពីកីឡាករជំនួស Baleទៅទៀត។ ហើយថ្មីៗនេះ រូបគេមានព័ត៌មានមិនសប្បាយចិត្តជាមួយ PSG នឹងចង់ត្រឡប់មក La liga វិញ។ រូបគេគឺជាម្រើសល្អបំផុតរបស់ប្រព័ន្ធលេងរបស់ Zidane។
Nabil Fekir (Lyon)
១២គ្រាប់,បញ្ជូនបាល់៣ដងក្នុង១៥ប្រកួតឲ្យក្លឹប Lyon រដូវកាលនេះ បានទាក់ទាញក្លឹបកំពូលៗក្នុងតំបន់អឺរ៉ុបចង់បានពិសេសក្លឹបយក្សអេស្ប៉ាញហ្នឹងតែម្ដង។ រូបគេធ្លាប់និយាយថាមិនដែលបដិសេធសំណើរនោះទេ បើ Zidane ចង់បានគាត់។
Kylian Mbappe (PSG)
មែនទែនទៅៗ Madrid ព្យាយាមចុះកុងត្រាយកកីឡាករម្នាក់នេះ កាលពីរដូវកាលមុន ប៉ុន្តែ PSG ទិញបានមុន។ របួសដ៏អាក្រក់របស់ Bale នឹងធ្វើឲ្យReal ចំណាយលុយមិនស្ដាយដេញថ្លៃកីឡាករបារាំងម្នាក់នេះម្ដងទៀត។
ក្នុងចំណោមកីឡាករទាំងអស់នេះ តើប្រិយមិត្តចង់បាននរណាមកជំនួស Bale ? តើប្រិយមិត្តគិតថាកីឡាកររូបណាស្រួលទិញជាងគេ?
