គ្រូបង្វឹកក្លឹប Atletico Madrid លោក Diego Simeone បានទទូចក្នុងសន្និសីទក្រោយការប្រកួតកាលពីម្សិលមិញថា ក្រុមរបស់គាត់នៅឆ្ងាយពីក្រុមកំពូលតារាង La liga ឆ្ងាយខ្លាំងណាស់។
ក្លឹបមានមូលដ្ឋាននៅទីក្រុងម៉ាឌ្រីដតាមពីក្រោយក្រុមលោក Ernesto Valverde ៩ពិន្ទុបន្ទាប់ពីឈ្នះ Valencia ដែលឈរលេខ៣ក្នុងលទ្ធផល១ទល់០កាលពីយប់ថ្ងៃអាទិត្យខណៈដែលក្រុមគូរប្រជែងពាន Barcelona ភ្លាត់បានត្រឹមស្មើក្រុមEspanyol ១-១។
ទោះបីជាយ៉ាងនេះក្ដី គ្រូបង្គោលរូបនេះមិនជឿថា ក្រុមរបស់លោកអាចតាមទាន់នោះទេដោយលោកបាននិយាយថាទាល់តែBarca បាត់បង់ពិន្ទុ៤ទៅ៥ទៀតទើបអាចទៅរួចខ្លះតែឱកាសនេះ Barcelona មិនងាយឲ្យបាត់ទៀតនោះទេ។
“ ពួកយើងនៅឆ្ងាយពី Barcelona ខ្លាំងណាស់យើងត្រូវតែយកចិត្តទុកដាក់ធ្វើការជាក្រុមទើបបាន។ ពេលចេញពីកីឡដ្ឋាន ខ្ញុំនឹងគិតនៅយប់នេះងំពីកីឡាកររបស់ខ្ញុំដែលធ្វើការធ្ងន់។ ពួកគេត្រូវការការងាររបស់ខ្លួន ហើយការយកចិត្តទុកដាក់ ខណៈជាគ្រូបង្វឹក កត្តាទាំងនេះជាជំនួយយ៉ាងល្អសម្រាប់ក្រុម”។
Atletico Madrid ឈរលេខ២ក្នុងតារាងយ៉ាងសង្ហារក្រោយលើសពិន្ទុក្រុមលេខ៣Valencia ៩ពិន្ទុនិងក្រុមលេខ៤ Real Madrid ១០ពិន្ទុ។តែពួកគេក៏តាមពីក្រោយBarcelona ៩ពិន្ទុដែរ៕
