អ្នកចាំទីចាស់វស្សា Gianluigi Buffon ត្រៀមប្រកាសចូលនិវត្តន៍ពីបាល់ទាត់នៅសន្និសីទសារព័ត៌មាននៅកីឡដ្ឋាន Allianz Stadium នេះបើតាមការបញ្ជាក់របស់សារព័ត៌មានក្នុងស្រុកមួយបានចេញផ្សាយ។
តាមរយៈភ្នាក់ងារផ្ទាល់ខ្លួនរបស់ Buffon លោក Silvano Martina បានឲ្យដឹងថា៖ “នឹងគ្មានBuffon តទៅទៀតទេ។ ខ្ញុំមិនចង់និយាយអ្វីច្រើនឡើយព្រោះសាមីខ្លួននឹងប្រាប់ពីអ្វីដែលរូបគេធ្វើបន្តនៅក្នុងសន្និសីទកាសែតក្នុងថ្ងៃនេះ”។
ក្រោយបង្ហាញខ្លួនជាង១ពាន់ប្រកួតកីឡាករវ័យ៤០ឆ្នាំនឹងប្រកាសព្យួរស្រោមថ្ងៃមុនលេងប្រកួតចុងក្រោយនៅក្របខ័ណ្ឌកំពូលអ៊ីតាលី បន្ទាប់ពីជួយ Juventus លើកពាន Serie A ៧រដូវកាលជាប់គ្នា និងឈ្នះពាន Coppa Italia ៤រដូវកាលចុងក្រោយ។
